Kurti e cilëson naive qasjen e partnerëve ndërkombëtarë ndaj Serbisë

Kryeministri i Kosovës, Albin Kurti, ka theksuar se Perëndimi beson se Serbia po e pret përfundimin e agresionit rus në Ukrainë, për t’u orientuar më pas drejt Evropës. Këtë, ai e ka quajtur naivitet

Kryeministri i Kosovës, Albin Kurti

Qasjen e partnerëve perëndimorë të Kosovës dhe Serbisë, kryeministri i Kosovës, Albin Kurti, e ka cilësuar si naive.

Ai në një intervistë për mediumin zviceran “Tages Anzeiger”, ka theksuar se Perëndimi beson se Serbia po e pret përfundimin e agresionit rus në Ukrainë, për t’u orientuar më pas drejt Evropës.

“Moska pretendon kontrollin e Ukrainës dhe Bjellorusisë. Beogradi dëshiron të kthejë Malin e Zi, Republikën Srpska të Bosnjës dhe Kosovën veriore në një sferë të ndikimit. Serbia i sheh fqinjët e saj vetëm si struktura të përkohshme. Problemi ynë është se partnerët ndërkombëtarë besojnë se Serbia po udhëhiqet vetëm nga oportunizmi, se është në pritje të përfundimit të luftës në Ukrainë dhe më pas do të orientohet qartë drejt Evropës. Kjo është naive. Aleksandër Vuçiq më shumë pret kthimin e Donald Trump në Uashington sesa fundin e luftës në Ukrainë”, ka thënë Kurti.

Sipas tij, lidhjet mes Serbisë dhe Rusisë janë shumë më të thella.

“80 për qind e popullsisë ka një opinion pozitiv për Vladimir Putin. Serbia e sheh veten si pjesë e një sfere pan-sllave, ortodokse jashtë Evropës”, shtoi ai.

Kreu i Qeverisë ka thënë se Serbia nuk është vend normal, “sepse nuk është distancuar nga trashëgimia e kohës së diktatorit, Sllobodan Millosheviq”.

“Tani shtojini kësaj mosdistancimin ndaj Vladimir Putini dhe luftës së tij në Ukrainë. Demokracia ishte një interludë e shkurtër në Serbi, pas përfundimit të diktaturës. Së shpejti do të bëhen 20 vjet qëkur kryeministri properëndimor serb, Zoran Gjingjiq, u vra në Beograd. Që atëherë, forcat e errëta në Serbi festojnë rikthimin. Beogradi kërkon një marrëdhënie me fqinjët e tij të ngjashme me atë që ka Moska me Ukrainën dhe Bjellorusinë. Prandaj, kjo fqinjësi është një rrezik sigurie për ne”, ka thënë ai.

Teksa pyetet se a mund të imagjinohet një konflikt më i madh se në vitet 1990, ai ka thënë se do të ishte e papërgjegjshme nga ai, të thuhet se s’ka rrezik përshkallëzimi në rajon.

“Do të ishte e papërgjegjshme të thuhet se nuk ka rrezik përshkallëzimi. Që nga sulmi i Rusisë në Ukrainë më 24 shkurt, ne kemi parë prova të hegjemonisë pansllave, siç janë stërvitjet e përbashkëta ushtarake midis Serbisë dhe Rusisë. Edhe disa qindra njerëz mund të shkaktojnë dëme të mëdha”.

Shija e redaktorit

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Libraria Dukagjini vjen me “BookFest” në Albi Mall

Libraria “Dukagjini” dhe “Albi Mall” kanë bashkuar forcat për një superfestë të librit, me shumë aktivitete e superatmosferë. Për dhjetë ditë me BookFest-in e librarisë...

Arti dhe kultura janë letërnjoftim nacional

Selman Jusufi, i cili ka studiuar Artin dramatik në Universitetin e Prishtinës, nga viti 1973 deri më 1985, ka qenë i angazhuar në Teatrin...

Më të lexuarat

Lajçak ‘befason” thotë se me Kurtin kanë rënë dakord që...

I dërguari i posaçëm i Bashkimit Evropian për dialogun Miroslav Lajçak, ka njoftuar nëpërmjet rrjetit të tij social se është në Kosovë, për të...

Gjendet pa shenja jete një person në Gjakovë

Policia e Kosovës ka njoftuar se është gjetur një person pa shenja jete në shtëpinë e tij në Gjakovë. Në raportin 24-orësh thuhet se njësitë...

Barrikadat, KFOR-i paralajmëron ndërhyrje nëse ato nuk largohen

Efikasiteti i këtyre mjeteve të rënda të KFOR-it është testuar hiç më larg se dy ditë më parë. Ushtrimet e 19 dhjetorit i kanë mundësuar...

Të fundit nga rubrika