Janë emëruar zëvëndësministra Nenad Stanojeviq dhe Lazar Raduloviq nga Kryeministri i Republikës së Kosovës, Albin Kurti.
Lajmin e ka bërë të ditur Zyra e Kryeministrit, me ç’rast ka treguar se Stanojeviq është emëruar zëvëndësministër për Ekonomi, ndërsa Raduloviq, zëvendësministër për Bujqësi, Pylltari dhe Zhvillim Rural.
“Kryeministri i Republikës së Kosovës, Albin Kurti, ka emëruar të z. Nenad Stanojeviq, zëvendësministër për Ekonomi, si dhe z. Lazar Raduloviq, zëvendësministër për Bujqësi, Pylltari dhe Zhvillim Rural në Qeverinë e Republikës së Kosovës. Kryeministri Kurti i uroi për detyrën dhe përgjegjësitë e reja institucionale në Republikën e Kosovës”, thuhet në njoftim.
Pjesë e takimit ishin edhe ministrja e Ekonomisë, Artane Rizvanolli, ministri i Bujqësisë, Pylltarisë dhe Zhvillimit Rural, Faton Peci, si dhe ministri për Komunitete dhe Kthim, Nenad Rashiq.
