Kurti: Eskalimi në veri ishte i planifikuar, autor është Beogradi

Kryeministri i Kosovës, Albin Kurti, gjatë raportimit të tij në Kuvendin e Kosovës deklaroi se eskalimi i situatës në veri të Kosovës ishte i planifikuar nga Serbia. Ai tha se kishte prova, foto dhe video për këtë gjë. Kurti gjithashtu theksoi se Jabllanoviq ishte kërcënuar nga Beogradi për të penguar kandidimin e tij. Ai gjithashtu mohoi pretendimet se Policia e Kosovës kishte hyrë në objekte komunale me forcë

Kryeministri i Kosovës, Albin Kurti, në seancën e Kuvendit të Kosovës, ka deklaruar se eskalimi i situatës në veri të Kosovës ishte i planifikuar mirë nga ana e Serbisë.

Ai tha se për këtë gjë ka edhe prova, foto e video.

“Më 29 maj, një pjesë e mirë e bandave kriminale u kthyen të organizuar për ta eskaluar situatën, kemi pamje të mjaftueshme, me video dhe foto, se ishte mirë i organizuar, dhe kishte autorë, ai është Beogradi zyrtar”, ka thënë ai.

Tutje ai ka thënë se Jabllanviq-i është kërcënuar nga Beogradi, duke ia pamundësuar kandidimin. Sipas tij, po të kandidonte, sot do të ishte kryetar i Leposaviqit.

“Me 21 prill, Lista Serbe bën thirrje për bojkot, në këtë ditë Aleksandër Jabllanoviq, u tërhoq nga gara, po të mos tërhiqej ai do të ishte kryetar i Leposaviqit”, ka thënë ai.

Tutje kreu i qeverisë në fjalën e tij para deputetëve të Kuvendit ka thënë se nuk është e vërtetë që Policia e Kosovës ka hyrë në objekte komunale me forcë.

“Të shumtë janë ata që praninë e forcave të Policisë e kanë quajtur si hyrje me forcë në ndërtesë, nuk ka nevojë ta quajmë ashtu. Ajo është e Kosovës, nuk hynë policia me forcë në ndërtesë të vetë, nuk hynë kryetari i komunës me forcë, është zyra e tij. Nuk ka pasur asnjë arsye të hyhet me forcë për ata që e shohin vetëm fotografinë që hynë kryetari. Ata nuk i duan ndërtesat, ata po dëshirojnë që as ne të mos i duam, ata i kanë braktisë. Unë kam pasur hall se kur të hynë kryetarët se çka do bëjnë serbët në administratë brenda, ndërtesat kanë qenë të zbrazta”, ka thënë ai.

Shoqërimi i kryetarëve të veriut, sipas Kurtit, ka qenë vlerësim i institucioneve të sigurisë që e kanë vlerësuar shkallën e rrezikshmërisë.

Shija e redaktorit

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Osmani: Historia e nënë Ferdonijes duhet të shërbejë si kujtesë...

Presidentja e Kosovës, Vjosa Osmani, ka folur mbi historinë e nënës Ferdonije Çerkezi, e cila ka humbur katër djemtë e saj dhe bashkëshortin gjatë...

Të fundit nga rubrika