Kryetari i Lëvizjes Vetëvendosje, Albin Kurti ka deklaruar se partia e tij ka fituar në mënyrë të padiskutueshme zgjedhjet e 9 shkurtit, sipas rezultateve preliminare.
Kurti theksoi se kjo fitore erdhi “cep më cep” dhe pa llogaritur ende votat me kusht dhe ato të diasporës.
“Fitore e padiskutueshme, me vota cep më cep.
Në 21 komuna prijmë si fitues, sipas rezultateve preliminare, pa votat me kusht dhe ato të mërgatës.
Qytetarët na e besuan mandatin e ri të qeverisim me vendin, dhe puna e qeverisë së re vazhdon sapo të çertifikohen rezultatet.
Deri atëherë, do të kujdesemi për ruajtjen e secilës votë që na e keni besuar”, ka shkruar Kurti në Facebook.