“Bojkoti i ditëve të fundit është i nxitur dhe orkestruar nga Beogradi zyrtar dhe është rezultat i veprimeve të tyre të vazhdueshme destruktive në dialogun ndërmjet dy vendeve”, i ka thënë Kryeministri Albin Kurti, Sekretarit të Përgjithshëm të NATO-s, Jens Stoltenberg në një bisedë telefonike.
Më tej ai e ka njoftuar Stoltenberg-un edhe për ecurinë e vendimit të Qeverisë së Kosovës për targat e paligjshme “KM”, ku është duke e implementuar vendimin në mënyrë të shkallëzuar.
“Nuk është shënuar asnjë incident apo pranuar asnjë ankesë edhe pse janë lëshuar 856 vërejte për vozitësit e veturave me targa ilegale”, i ka thënë Kurti të paritë të NATO-s.
Por, pavarësisht bojkotimit të nxituar nga Beogradi, i pari qeverisë së Republikës së Kosovës, i ka thënë Stoltenberg-ut, se “Qeveria e Republikës së Kosovës mbeten të përkushtuara për vlerat demokratike dhe evropiane të sundimit të ligjit, të të drejtave dhe lirive të njeriut e të pakicave, të pluralizmit politik, të paqes e të sigurisë”.
Kurti ka përfunduar duke i thënë se ai dhe Qeveria dhe të gjitha institucionet e Kosovës, do bashkëpunojnë, ngushtë me aleatët dhe partnerët e saj.