Lëvizja Vetëvendosje gjatë ditës së shtunë ka mabjtur mbljedhjen e përbashkët me drejtuesit e qendrave të saj në Kosovë dhe diasporë, gjithashtu në takim kanë qenë edhe kryetarët e qendrave të organizatës së Rinisë për Vetëvendosje.
Në të këtë mbledhje bëhet e ditur se ka marrë pjesë kryeminsitrit Albin Kurti, i cili ka folur rreth aktualiteti politik në Kosovë, dhe së bashku më Kurtin të pranishmit kanë debatuar mbi ecurinë e dialogut Kosovë – Serbi.
“Në këtë mbledhje morën pjesë Kryetari i Lëvizjes, njëherësh Kryeministri i Republikës së Kosovës, Albin Kurti, Sekretari Organizativ i LV-së, Alim Rama, Koordinatori i Qendrave, Valon Hoti, si dhe Kryetari i Organizatës së Rinisë për VETËVENDOSJE! (RVV), Behar Jashari. Për situatën politike Kryeministri Kurti ka folur rreth aktualitetit politik në vendin tonë. Gjithashtu drejtuesit e qendrave u njoftuan dhe debatuan mbi ecurinë e procesit të dialogut dhe zhvillimet e fundit me të. Çështjet organizative gjithashtu janë trajtuar nga drejtuesit e qendrave me ç’rast është theksuar rëndësia e bashkërendimit organizativ në mes të strukturave organizative të LV-së dhe organizatës së saj, RVV-së. Aktivitetet e realizuara përgjatë këtyre muajve nga qendrat e RVV-së, raportet e punës nga qendrat për muajin prill dhe vizitat regjionale në qendra, janë diskutuar po ashtu përgjatë këtij takimi”, thuhe në njoftim.