Kurti në takim me përfaqësuesit e Luginës: S’duhet mbështetur tentimet për acarim të shqiptarëve me njëri-tjetrin

Kryeministri i Kosovës, Albin Kurti, gjatë takimit me përfaqësuesit politikë të Preshevës dhe Bujanocit, ka thënë se pas shtypjes e diskriminimit që po u bëhet shqiptarëve nga ana e Beogradit, nuk duhet mbështetur tentimet për acarim me njëri-tjetrin, pjesë e së cilës është edhe synimi i rrëzimit të kryetares së Preshevës, Ardita Sinani.

Sipas tij, gjendja e shqiptarëve në përgjithësi në këto komuna, me politika diskriminuese e shtypëse të Serbisë, kërkon angazhim të përbashkët e vigjilencë të shtuar, vendosmëri e ruajtje të unitetit politik të subjekteve shqiptare të Preshevës, Medvegjës e Bujanocit.

“Përçarja e ndarja janë gabim dhe bëhen dëm, u shpreh kryeministri Kurti, teksa në fund theksoi se bashkëpunimi e rreshtimi i drejt ndaj mbrojtjes dhe avancimit të të drejtave të shqiptarëve nuk është vetëm nevojë por domosdoshmëri e kohës”, ka thënë Kurti.

Takimi i Kurtit me përfaqësuesit e këtyre komunave erdhi pas thirrjes së një seance të jashtëzakonshme nga Kuvendi Komunal i Preshevës për shkarkimin e kryetares aktuale të kësaj komune, Ardita Sinani.

 

Zgjedhjet në Serbi, Kurti: Ky është një spastrim etnik i heshtur

Siç theksohet në njoftimin e zyrës së kryeministrit, gjatë këtij takimi është diskutuar edhe për rezultatet e procesit zgjedhor në Serbi, veçanërisht për tri komunat me shumicë shqiptare, Preshevë, Bujanovc dhe Medvegjë.

Kryeministri Kurti, zgjedhjet paralementare dhe presidenciale të mbajtura më tre prill të vitit 2022 në Serbi, i ka quajtur jo të lira e as demokratike.

Në këto zgjedhje morën pjesë edhe partitë shqiptare, të cilat garuan me dy lista “Koalicioni i Shqiptarëve të Bashkuar” dhe “Alternativa Demokratike Shqiptare”.

Sipas Kurtit, shqiptarëve në Preshevë, Medvegjë dhe Bujanoc u është bërë padrejtësi e madhe me pasivizimin e mbi gjashtë mijë adresave të banorëve shqiptarë në këto komuna.

“Ky është një spastrim etnik administrativ i heshtur e që po sjellë pasoja të mëdha. Kjo metodë e Serbisë, që iu mohoi të drejtën elementare e demokratike, atë të votës, solli edhe rezultate jo të kënaqshme”, vijon njoftimi.

Një tjetër faktor i dëmshëm për rezultatet zgjedhore sipas Kurtit ishte edhe mungesa e unitetit dhe i bashkërendimit të subjekteve politike shqiptare në një front.

I pranishëm në këtë takim ishte edhe ministri i Mjedisit, Planifikimit Hapësinor dhe Infrastrukturës, Liburn Aliu.

Në këtë takim morën pjesë, kryetarja e Komunës së Preshevës, Ardita Sinani, kryetari i Komunës së Bujanocit, Nagip Arifi, kryetari i Partisë për Veprim Demokratik, Shaip Kamberi, kryetari i Këshillit Kombëtar Shqiptar, Ragmi Mustafi, zëvendëskryetari i komunës së Preshevës dhe njëherit Kryetari i Partisë Demokratike Shqiptare, Ragmi Mustafa.

Përveç tyre, të pranishëm ishin edhe kryetari i Unionit Demokratik Shqiptar, Naser Aziri, kryetari i Lëvizjes për Progres Demokratik, Shqiprim Musliu, kryetari i Alternativës Demokratike Shqiptare, Armend Aliu, këshilltari komunal i Medvegjës, Fehmi Beha, dhe anëtari i Këshillit për marrëdhënie ndëretnike në komunën e Medvegjës, Arben Ferati.

Ndërkaq, pavarësisht ftesës, në takim nuk ishin kryetari i Alternativës për Ndryshim, Shqiprim Arifi dhe kryetari i Kuvendit të Preshevës, njëherit kryetar i Lëvizjes për Reforma, Sami Salihu.

Kurti fton në takim përfaqësuesit politikë nga Lugina e Preshevës

Shija e redaktorit

KB Prishtina bëhet pjesë e garës më të re të...

Kryetari i Klubit të Basketbollit Prishtina, Blerand Stavileci ka bërë të ditur se klubi i tij ka marrë ftesën për pjesëmarrje në garën më...

DokuFesti me turistët e huaj, infuzion për ekonominë e Prizrenit

Dhjetëra e mijëra vizitorë vendorë e ndërkombëtarë kanë shkelur rrugëve të qytetit të Prizrenit gjatë javës së fundit. Shkaku i këtij fluksi turistësh në kryeqytetin historik...

“You have no idea”, paradoksi i jetës së përditshme

Si të shprehim diçka që s’mund të thuhet? Si ta artikulojmë të paartikulueshmen? Si ta mendojmë të pamendueshmen? "You have no idea" (Ju s'e...

Më të lexuarat

Video ekskluzive nga incidenti në Pejë

Një zënkë verbale në mes të pronarëve të dy dyqaneve në qytetin e Pejës, ka dërguar deri te përdorimi i armës së zjarrit. Sipas burimeve...

Babai i Marigona Osmanit: Në qoftë se Marigona do të...

Në Shëngjin kishin qëndruar rreth 3-4 orë, në një bisedë me Dardanin, babait të Marigona Osmanit i ishte dukur si njeri i qetë. Për...

Babai i Marigona Osmanit: Nëna e Krivaqës më thoshte kam...

Muhabi Osmani - babai i të ndjerës, Marigona Osmani, e ka përshkruar këtë të fundit si një vajzë të qetë, të urtë e të...

Të fundit nga rubrika