Kurti: Nuk mund të kemi demokraci pa barazi gjinore

Kryeministri i Kosovës, Albin Kurti

Kryeministri i Kosovës, Albin Kurti, duke folur për barazinë gjinore në vend, ka thënë se situata po përmirësohet më shpejt se kurrë më parë.

Megjithatë, sipas tij, ka shumë punë për të bërë dhe “duhet të fokusohemi më shumë në zonat që nuk janë urbane dhe përgjithësisht jashtë Prishtinës”.

Këto deklarata Kurti i bëri në edicionin e dhjetë të Javës së Gruas, me temën kryesore “Barabarësia: Parakusht për Ripërtërije të Demokracisë”, organizuar nga Instituti Kombëtar Demokratik.

Po ashtu, ai ka deklaruar se në Kosovë nuk mund të ketë demokraci, nëse nuk ka barazi gjinore.

Kryeministri i Kosovës, Albin Kurti, në edicionin e dhjetë të Javës së Gruas me temën kryesore “Barabarësia: Parakusht për Ripërtërije të Demokracisë”, e organizuar nga Instituti Kombëtar Demokratik.

“Politika është e lidhur me bindjet në mënyrë të pashkëputur. Janë analizat dhe kërkimet, por në politikëbërje janë të rëndësishme bindjet. Unë besoj se nuk mund të kemi demokraci pa barazi gjinore”, ka thënë ai.

Kurti ka potencuar se ajo ndërtohet mbi pluralizëm, sundim të ligjit dhe barazi gjinore.

“Ajo ndërtohet mbi pluralizëm, sundim të ligjit dhe barazi gjinore. Barazia gjinore është ajo që përbën urën për barazi shoqërore. Sa i përket Kosovës, unë besoj se ajo është duke u përmirësuar dhe përmirësimi është më i shpejtë se kurrë më parë”, ka shtuar Kurti.

“Nëse shohim institucionet qendrore, mund të thuhet se ka pjesëmarrje të konsiderueshme dhe gjithnjë në rritje të vajzave dhe grave. Nëse shohim universitetet tona, vlen sërish e njëjta. Ka fakultete të shkencave natyrore dhe teknike në të cilat ka më shumë studente vajza sesa djem”, është shprehur tutje kreu i ekzekutivit.

Ndër të tjera, ai ka thënë se edhe në Qeveri, Presidencë e Kuvend ka pjesëmarrje gjithnjë e më të madhe të grave.

Gjithashtu, sipas tij, vërehet përmirësim i pjesëmarrjes së grave edhe në sektorin ekonomik, në biznes, në ndërmarrësi, duke përfshirë edhe pronësinë e grave. “Nëse vazhdojmë me këtë trend, gjatë kësaj dekade tejkalojmë vetëm vendet e rajonit”, ka thënë ai.

Shija e redaktorit

Dita e Presidentit, Osmani me familjen e saj e shënon...

24 maji është Dita e Presidentit. Presidentja e Kosovës, Vjosa Osmani, ka thënë se kjo ditë është vendosur nga presidenti historik, Ibrahim Rugova. Osmani ka thënë...

“Në burgun e Dubravës kemi fjetur në qiell të hapur...

Ndonëse këmba e ushtarëve të NATO-s ende nuk kishte shkelur në Kosovë, vëzhguesit e tyre nga ajri e toka po mblidhnin informacione për terrorin...

“Dukagjini” dhe “Pearson Education” rrisin standardet në arsim, organizojnë trajnim...

Shtëpia botuese “Dukagjini”, në bashkëpunim me “Pearson Education”, organizojnë trajnimin njëditor të titulluar “Breathing New Life Into Our Lessons” për mësimdhënësit/et e gjuhës angleze....

Të fundit nga rubrika