Kryeministri i vendit, Albin Kurti,nuk ka dhënë përgjigje lidhur me arsyen pse projektligji për plotësimin dhe ndryshimin e Ligjit për Dhomat e Specializuara në Hagë nuk është përfshirë në rendin e ditës të mbledhjes së sotme të Qeverisë.
Kurti teksa futej në Qeveri është pyetur për këtë çështje, por nuk është përgjigjur, njofton Dukagjini.
Ndërkohë, Partia Demokratike e Kosovës (PDK) ka mbledhur Grupin Parlamentar për të diskutuar lidhur me projektligjin dhe veprimet që pritet të ndërmerren për të.
Deputeti i PDK-së, Përparim Gruda, ka kritikuar mospërfshirjen e projektligjit në rendin e ditës së mbledhjes së Qeverisë, duke e cilësuar këtë si të papranueshme dhe të pashpjegueshme.