Kurti numëron sukseset për 1 vit e gjysëm qeverisje

Në një vjetorin e gjysëm të qeverisjes, kryeministri Albin Kurti ka përkujtuar sukseset gjatë kësaj periudhe, duke përfshirë pakon e ringjalljes ekonomike, rritjen e të hyrave të ATK-së, marrëveshjen me MCC-në, themelimin e Institutit për dokumentimin e Krimeve e të tjerë

Kryeministri i Kosovës, Albin Kurti





Kryeministri i Kosovës, Albin Kurti ka përkujtuar një vit e gjysmë qeverisje duke thënë që  vitin e kaluar kanë shënuar rritje ekonomike prej 10,7 për qind, të cilën e konsideron si rritjen më të madhe në rajon.

Kurti ka shtuar se në vitin 2021 kishin pakon e ringjalljes ekonomike me mbi 300 milionë euro, shtesat për lehonat e fëmijët, pensionistët e personat me aftësi të kufizuara, mbështetje për prodhuesit e eksportuesit, fermerët dhe studentët e të tjerë.

Kurti në postim ka cekur se të hyrat e ATK-së për periudhën janar-gusht 2022 janë 22.2 për qind më të larta.

“Kemi nënshkruar marrëveshjen me MCC-në në vlerë prej mbi 200 milionë dollarë. Kemi luftuar ekonominë joformale, punën e padeklaruar dhe kontrabandën. Dogana ka zbuluar 1,778 veprime të kundërligjshme në 2021 (64% më lartë se në 2020), dhe vetëm për 8 muajt e parë të këtij viti e ka arritur kuotën mesatare për muaj të vitit 2021. ATK ka parandaluar dëmtim të buxhetit të shtetit në vlerë prej mbi 12 milionë euro. Ndërsa, Inspektorati i Tregut ka rritur për mbi 50% numrin e inspektimeve (më shumë se 6 mijë gjithsej)”, shkruan Kurti.

Kryeministri Kurti ka shtuar se kanë rritur mundësitë e barabarta për zhvillim duke e bërë arsimin publik falas, duke shtuar buxhetin për arsim prej 12 për qind, duke dhënë mbështetje financiare për studentë e nxënës si dhe duke rritur përfshirjen në Edukimin në Fëmijëri të Hershme.

“Me Vettingun për drejtësi, Byronë shtetërore për konfiskimin e pasurisë së pajustifikueshme dhe ligjet anti-korrupsion kemi filluar reformat e kërkuara nga qytetarët që synojnë të bëjnë gjyqësorin efikas dhe prokurorinë aktive në luftimin e kriminalitetit dhe në dhënien e drejtësisë”.

Kurti ka treguar se kanë themeluar Institutin për dokumentimin e Krimeve për të ruajtur kujtesën kolektive dhe për t’i treguar gjeneratave të reja dhe botës krimet e kryera gjatë luftës në Kosovë.

‘Kemi lartësuar Kosovën në botë duke u renditur të parët në rajon për sundimin e ligjit, duke u përmirësuar për 17 vende në indeksin kundër korrupsionit dhe për avancimin e lirës së medias dhe kemi nxjerrë Kosovën nga izolimi duke aplikuar në Këshillin e Evropës, duke adresuar të gjitha pengesat për liberalizimin e vizave dhe duke përgatitur aplikacionet për anëtarësim në BE dhe në Programin e NATO-s për Partneritet për Paqe”.

Kurti rrëfen se pritjet e qytetarëve janë të mëdha sepse ndryshimi që duhet është i madh dhe sipas tij ky ndryshim është i mundur kur secili jep kontributin që i takon.

Kurti ka shtuar se për të arritur progreset që duam duhet të punojmë me qëllimet më fisnike.





Shija e redaktorit

Kosova fiton ndaj Qipros, siguron vendin në Ligën C

Kosova ka shënuar fitore ndaj Qipros me rezultat 5 me 1 në Stadiumin “Fadil Vokrri” në Prishtinë në kuadër të Grupit 2 në Ligën...

A rrezikon Kosova të ngelet pa punëtorë?

Problemi i ikjes së punëtorëve nuk haset vetëm te personeli mjekësor, por shqetësuese është edhe ikja e fuqisë punëtore të profileve të ndryshme në...

Sa gjenerata duhet të kalojnë që të arrihet marrëveshja në...

“Duhet që dy gjenerata të kalojnë, një veç se ka kaluar”. Kështu kishte deklaruar ish i emëruari i Organizatës së Kombeve të Bashkuara(OKB) si Administrator...

Më të lexuarat

Azemi: Kurti është kryeministër i imi, kurrë nuk kam për...

Kryetari i Sindikatës së Pavarur të Sektorit Privat, Jusuf Azemi ka thënë se një herë të vetme nuk është ftuar një përfaqësues nga sektori...

Mehaj: Oficeri Luan Haradinaj ka diplomuar në SHBA për Inteligjencë...

  Ministri i Mbrojtjes, Armend Mehaj, ka njoftuar se Ushtrisë së Kosovës(FSK), i është shtuar dhe një Oficer i diplomuar në Military Intelligence Basic Officer...

Mushkolaj: Pezullimi i grevës nga SBAShK-u, vetëm zgjidhje për të...

Analisti Imer Mushkolaj sa i përket paralajmërimeve të SBAShK-ut për pezullim të grevës dhe që mësimi pritet të fillojë më tre tetor, ka thënë...

Të fundit nga rubrika