Kryeministri i Kosovës ka folur për herë të parë pas vendimit për shtrenjtim të rrymës për 15.4%.
Ai ka thënë shkurt se Qeveria e Kosovës do t’i mbështesë qytetarët edhe pas këtij vendimi, me anë të subvencionimit për familjet, të cilat konsumojnë energji elektrike deri në 800kw në orë, kurse familjet me asistencë sociale, sipas tij, do të kenë trajtim të veçantë.
“Mbështetja jonë për qytetarët do të vazhdojë edhe pas vendimit të fundit të ZRrE-së, ku ndër të tjera do të subvencionojmë familjet në konsum të energjisë deri në 800 kw në orë, kurse grupet e cenueshme, siç janë familjet në asistencë sociale, do të kenë trajtim të veçantë”, ka thënë ai.
Kurti tutje tha se Qeveria deri më tani i ka investuar 9 milionë euro për renovimin e 70 ndërtesave publike si, shkollave, çerdheve publike e kështu me radhë.
Me rreth 9 milionë euro kemi renovuar dhe bërë efiçiente 70 ndërtesa publike, shkolla dhe çerdhe publike, etj.