Kryeministri i Kosovës, Albin Kurti, ka lëshuar një cicërim në rrjetin e tij social Twitter, pas takimit me kreyediplomatin e Greqisë, Nikos Dendias, ku ka thënë se raportet në mes të dyja vendeve janë më të mira se kurrë më parë.
Sipas kryeministrit kosovar, ai me ministrin e Punëve të Jashtme të Greqisë janë të vendosur që Kosova dhe Greqia të ndërtojnë raporte më të mira dhe më të thella.
Më poshtë mund ta lexonin postimin e plotë të kryeministrit, Albin Kurtit.
“Sot e mirëprita MFA-në @NikosDendias në vizitën e tij të gjashtë në Kosovë. Na pëlqente dreka e punës, po aq sa edhe bisedat e përzemërsishme”, ka shkruar Kurti .
“Marrëdhëniet dypalëshe midis dy vendeve tona janë më të mira tani se kurrë më parë dhe ne të dy jemi të vendosur të ndërtojmë lidhje edhe më të ngushta e më të thella”, ka përfunduar kryeministri.
Today I welcomed 🇬🇷 MFA @NikosDendias on his 6th visit to Kosova. We enjoyed our working lunch as much as our cordial conversation. Bilateral relations between our two countries are better now than ever before, and we are both committed to building even closer and deeper ties. pic.twitter.com/pkvLqbIzoq
— Albin Kurti (@albinkurti) March 12, 2023