Kurti pas takimit me komandatin e KFOR-it, theksojnë sërish se nuk duhet të ketë barrikada në asnjë rrugë

Kryeministri i Kosovës, Albin Kurti, pas takimit me komandantin e KFOR-it dhe shefin e EULEX-it në lidhje me situatën në veri, kanë dalë me një konstatim të përbashkët duke theksuar se "liria e lëvizjes duhet të rivendoset dhe se nuk duhet të ketë barrikada në asnjë rrugë"

FOTO:EO

“Kryeministri Kurti priti në takim komandantin e KFOR-it, Angelo Michele Ristuccia, dhe Shefin e EULEX-it, Lars-Gunnar Wigemark”.

Kështu ka njoftuar Zyra e Kryeministrit, të hënën e 26 dhjetorit.

Në këtë takim është diskutuar lidhur me veprimet e strukturave kriminale në veri të Kosovës, të cilat cenojnë rëndë sigurinë në vend, ku thuhet se konstatim i përbashkët nga ky takim është se liria e lëvizjes duhet të rivendoset dhe se nuk duhet të ketë barrikada në asnjë rrugë.

Në këtë takim ka marrë pjesë edhe zëvendëskryeministri Besnik Bislimi dhe ministri i Punëve të Brendshme, Xhelal Sveçla, ku ndër të tjera, u bisedua edhe për bashkëpunimin e afërt ndërmjet Qeverisë së Kosovës, Forcave paqeruajtëse të NATO-s në Kosovë (KFOR) dhe misionit EULEX, përbrenda mandateve që kanë.

“Gjatë takimit u pajtuan për vazhdimin e bashkëpunimit të ngushtë ndërinstitucional dhe bashkërendimin e veprimeve, në shërbim të paqes dhe sigurisë për të gjithë qytetarët e Republikës së Kosovës, që është qëllim dhe prioritet i përbashkët i institucioneve të Republikës së Kosovës, KFOR-it dhe EULEX-it”, thuhet tuje.

Gjithashtu, thuhet se u theksua profesionalizmi, maturia dhe guximi i dëshmuar i Policisë së Kosovës në ruajtje të sigurisë dhe rendit publik në mbarë territorin e Republikës së Kosovës.

Ndryshe, këtë takim kryeministri Kurti e paralajmëroi të shtunën.

“Meqë sonte është Krishtlindja, ne duhet të kemi shumë shpejt pas saj një takim me komandantin e KFOR-it dhe unë si kryeministër, e në të cilën, besoj që të sqarojmë gjithçka por, kjo nuk mund të tolerohet pafundësisht. Nga ai takim, të cilin, presim që ta kemi me komandantin e KFOR menjëherë pas Krishtlindjes, besoj që do të sqarohet gjithçka dhe mund t’ju japim përgjigje”, kishe deklaruar Kurti.

Ndërkaq, në mbrëmjen e së dielës së 25 dhjetorit, janë dëgjuar të shtëna me armë zjarri afër komunës së Zubin Potokut.

KFOR-i ka konfirmuar se u qëllua me armë zjarri në afërsi të patrullës së saj në Zubin Potok, ndërsa Policia e Kosovës ka demantuar raportimet e mediave serbe se ka qenë e përfshirë në shkëmbim zjarri në Zubin Potok.

Shija e redaktorit

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

FFK prezanton nesër përzgjedhësin e ri të Kosovës

Federata e Futbollit të Kosovës (FFK) përmes një njoftimi zyrtar ka bërë të ditur se nesër (e shtunë) do të bëhet prezantimi i përzgjedhësit...

Të fundit nga rubrika