Kurti për homazhe në Kaçanik, i nderon të rënët për liri

Kreu i ekzekutivit kosovar, Albin Kurti, i ka kujtuar 28 dëshmorë dhe 32 viktima civile që u vranë nga forcat serbe në Rakoc dhe Lagje të Re të Kaçanikut, 25 vjet më parë

Kryeministri i Kosovës, Albin Kurti, në Kaçanik

Kryeministri i Kosovës, Albin Kurti, e ka përkujtuar 25-vjetorin e masakrës në Rakoc dhe Lagje të Re të Kaçanikut, ku u vranë 32 civilë.

Më i vjetri ndër ta ishte Nebih Livoreka, i cili i kishte 105 vjet.

Në këtë betejë kishin rënë heroikisht edhe 28 dëshmorë të Ushtrisë Çlirimtare të Kosovës (UÇK).

“Në mëngjesin e 9 prillit të 1999, Kaçaniku ishte zgjuar i rrethuar nga forca të mëdha të ushtrisë dhe policisë së Serbisë, që sulmonin popullatën civile, duke granatuar nga të gjitha anët. Në mbrojtje të tyre dolën ushtarët e Ushtrisë Çlirimtare të Kosovës, duke u përballur me forcat e armatosura serbe. Në Betejën e Rakocit dhe Betejën e Lagjes së Re, u zhvilluan luftime të ashpra. Në mbrojtje të popullatës civile ranë 28 dëshmorë”, ka shkruar Kurti.

Kurti i përmendi edhe katër gra dëshmore: Emsale Frangu, Jehona Raka, Lumnije Raka dhe Mukadeze Lika-Muhaxheri.

Kreu i ekzekutivit tha se Qeveria do të punojë për një vend ku mbizotëron paqja e drejtësia.

“Në këtë datë, nderojmë 28 dëshmorë dhe 32 viktima civile, martirë të vrarë në Rakoc dhe Lagje të Re. Me përkushtimin për ta ruajtur trashëgiminë e luftës çlirimtare, duke nderuar sakrificat e popullit të Kosovës për liri, punojmë me vendosmëri për një Kosovë të paqes, të drejtësisë dhe përparimit”, ka shkruar i pari i Qeverisë.

Shija e redaktorit

Sulmuesi i përfaqësueses së Kosovës Muhamet Hyseni zyrtarizohet tek AC...

Të verdhit e rrezikshëm siç njihen në futbollin danez “AC Horsens” kanë arritur të bëjnë goditje të rëndësishme për afatin e ri kalimtar të...

Fermeri 74 vjeçar i shtëpisë së të moshuarve e funksionalizon...

Domate, speca, tranguj, kunguj e plot lloje të tjera perimesh janë të gjeturat e stinës në këtë serrë, mu në zemër të kryeqytetit. Ajo gjendet...

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Të fundit nga rubrika