Kurti për masakrën e Poklekut: Të njoma janë plagët nga gjenocidi i Serbisë

Kryeministri i Kosovës, Albin Kurti, i ka quajtur të njoma plagët e shkaktuara gjatë luftës në Kosovë nga gjenocidi serb.

Kryeministri i Kosovës, Albin Kurti

Kryeministri i Kosovës, Albin Kurti, me rastin e 23 vjetorit të masakrës së kryer në Poklek dhe Çikatovë të Drenasit, ka thënë se plagët që ka lënë gjenocidi serb në Kosovë, ende janë të njoma.

Ai, përmes një postimi në Facebook, ka theksuar se këto krime, as nuk mund të zhduken kurrë, e as të harrohen.

“Në Poklek të Vjetër dhe Çikatovë të Vjetër të Drenicës, të njoma janë plagët nga gjenocidi i Serbisë. Mbeten dëshmi radhët e varreve dhe dhimbja në shpirtra”, ka shkruar Kurti.

Foto nga masakra në Poklek dhe Çikatovë të Vjetër

Ndonëse pjesa më e madhe e viktimave në këtë masakër ishin fëmijë e gra, sipas kryeministrit Kurti, për shtetin serb që po zbatonte planin e gjenocidit ndaj shqiptarëve nuk kishte rëndësi mosha.

“23 vjet më parë forcat policore, ushtarake e paraushtarake serbe, vranë dhe masakruan 77 shqiptarë civilë të paarmatosur. Midis tyre, pesë foshnja, nga gjashtë muaj e deri në dy vjeç”, ka shtuar ai.

I pari i ekzekutivit ka potencuar se pasi i vranë, trupat e viktimave të Masakrës së Poklekut i dogjën bashkë me shtëpitë.

“Disa i dogjën dy herë e disa i hodhën në puse. Ndërsa trupat e viktimave të Masakrës së Çikatovës i dërguan në varrezën masive në Rudnicë të Rashkës në Serbi”.

Fotografi të viktimave në masakën e Poklekut dhe Çikatovës së Vjetër

Këto, sipas tij, ishin përpjekje të forcave të armatosura serbe “për të zhdukur gjurmët e krimit të Serbisë në Kosovë”.

Ndërkaq, presidentja e Kosovës, Vjosa Osmani, në 23 vjetorin e masakrës së Poklekut dhe Çikatovës së Vjetër, ka thënë se kjo masakër tregon qëllimin e qartë të regjimit serb të atëhershëm, për të shfarosur popullin shqiptar në Kosovë.

Ajo, pas homazheve  në kompleksin memorial në Poklek dhe Çikatovë të Vjetër, ka theksuar se kujtimi për të rënët do të jetë i përhershëm dhe se nuk do të ndalen asnjëherë së kërkuari drejtësi për ta.

Ndërkohë, të shtunën e 17 prillit, janë bërë 23 vjet nga masakra në fshatin Poklek i Vjetër dhe Çikatovë të Vjetër, komuna e Drenasit , ku ushtria serbe ka masakruar dhe i ka vrarë, pastaj i ka djegur kufomat e 77 shqiptarëve civilë të paarmatosur, duke filluar prej foshnjave gjashtëmuajshe e deri te pleqtë 75 vjeçarë.

Vetëm në fshatin Poklek, kanë mbetur të vrarë 54 persona. Sipas të mbijetuarve, nga 54 viktimat e kësaj masakre, 24 prej tyre kanë qenë fëmijë nën moshën 18 vjeçare.

Ndërsa në Çikatovë, po të njëjtën ditë, forcat serbe masakruan 24 qytetarë, po ashtu gra fëmijë e pleq.

Osmani: Masakra në Poklek e Çikatovë – dëshmi që Millosheviqi deshi ta shfarosë popullin shqiptar

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

RTS zviceran: Personi që paralajmëroi vrasjen e Dick Martyt, është...

Është zbuluar se kush ishte infromatori që tregoi se ka një planë për të vrarë Dick Marty-in. Sipas Programiit të RTS Mise au point  ai...

24 vjet dhe 10 muaj burgim për të akuzuarin i...

Gjykata Themelore në Prizren, të hënën e ka dënuar të akuzuarin Sylejman Ahmeti me 24 vjet e 10 muaj burgim për vrasje. Aktakuza e ngritur...

Komandanti i parë i KFOR-it: Në Veri ekziston një grup...

Komandanti i parë i KFOR-it, Erhard Buhler, në një intervistë për Albanian Post, ka thënë se në veri të vendit ekziston një grup multietnik...

Të fundit nga rubrika