Kurti për rininë: Institucionet nuk kanë komunikuar mjaftueshëm me ta, kjo duhet të ndryshojë

Kryeministri i Kosovës, Albin Kurti





Në Konferencën për Rininë 2022, “Drejt një politike kombëtare” të organizuar nga Ministria e Kulturës Rinisë dhe Sportit, ka marrë pjesë kryeministri i Kosovës, Albin Kurti, i cili ka thënë se ashtu sikurse në vendet perëndimore rinia e Kosovës ka potencial të madh.

Ai u shpreh se të rinjtë e Kosovës kanë shumë ide për pjesëmarrje në politikëbërje.

“Të rinjtë e të rejat kanë shumë ide për pjesëmarrje në politikëbërje. Kemi parë fushata, aktivitete vullnetare, organizime që për synim kanë përmirësimin në komunitetet, qytete dhe shtete të ndryshme të botës, kështu është edhe te të rinjtë tanë”, ka thënë Kurti.

Kurti i ka kritikuar institucionet e Kosovës për mungesë të komunikimit me rininë, derisa shtoi se kjo qasje duhet të ndryshojë.

“Pavarësisht kësaj, është vërtetuar se institucionet nuk kanë komunikuar mjaftueshëm me ta e as me njëri-tjetrin për ta e këto duhet të ndryshojnë. Po punojmë që të rinjtë të bëhen pjesë aktive formale dhe joformale në shërbim të ndryshimit të përgjithshëm. Prandaj kemi formuar komisionin shtetëror për rini si mekanizëm koordinues ndërqeveritar në nivel politik i cili takohet çdo tre muaj”, ka thënë ai.

Kurti më tej foli për katër parimet e qeverisë për rininë, të cilat janë:

“Zhvillimi i rinisë, i cili shtrihet përtej linjave ministrore me një perspektivë të gjerë mbi faktorët që ndikojnë në jetën e tyre”

“Përfshirja e të rinjve në proceset vendimmarrëse”

“Duhet të ekzistojë një autoritet përgjegjës që koordinon dhe monitoron politikat e institucioneve”

“Duhet të investohet në rini, duhet të ketë buxhet të mjaftueshëm për masa ndërsektoriale brenda ombrellës së një strategjie gjithëpërfshirëse shtetërore”.

“Këto parime po na udhëheqin drejt një vizioni të përbashkët ku zhvillimi i rinisë është detyrë dhe prioritet i çdo institucioni publik”, ka thënë Kurti.





Shija e redaktorit

Xhubleta shqiptare në 110- vjetorin e Pavarësisë bëhet pjesë Komitetit...

Ministrja e Kulturës së Shqipërisë, Elva Margariti, përmes një videoje të publikuar në llogarinë zyrtare të Ministrisë së Kulturës në Facebook, ka bërë të...

Me pushkë e me penë – 110 vjet shtet

Gjithçka, nisi më 28 Nëntor të vitit 1443. Në këtë ditë, heroi kombëtar i shqiptarëve, Gjergj Kastrioti, ngriti flamurin e shqiponjës dykrenare mbi Kalanë e...

“Nëntori i Ftohtë” i regjisor Ismet Sijarina, nga tash e...

Filmi i metrazhit të gjatë artistik “Nëntor i ftohtë” me regjisor Ismet Sijarina, është bërë pjesë e Netflix International, shërbimit të transmetimit të shfaqjeve...

Më të lexuarat

“Për shkak të Qeverisë Kurti 1, djali im nuk do...

Ish-ministrja e Kulturës Rinisë dhe Sportit, Vlora Dumoshi, në emisionin ‘Personale’ me Krenare Vokshi-Shala, ka treguar se si djali i saj, Rroni, i cili...

Gruaja që u keqtrajtua tash është në gjendje të mirë

Zhaneta Nura, vajza e gruas e cila u maltretua fizikisht dhe psiqikisht nga një infermiere, tash është mirë dhe është qetësuar. Nura këtë e tha...

Vrasja në QKUK: Gruaja e vrarë ishte shtatzënë, u qëllua...

Gruaja shtatzënë e cila ka humbur jetën, është qëlluar me armë zjarri nga një person i cili dyshohet se është burri i saj. Kështu...

Të fundit nga rubrika