Kryeministri i Kosovës Albin Kurti në një konferencë për media e ka pranuar se gjendja në sektorin e shëndetësisë nuk është e mire, por sipas tij nuk është edhe aq e keqe sa paraqitet në publik.
Tutje ai foli edhe për ish-ministrin e Shëndetësisë, Rifat Latifin, për të cilin tha se ka punuar aq sa ka mundur.
“Nuk themi që është gjendja e mirë në sektorin e shëndetësisë, mirëpo nuk është asnjë fushë në të cilën mund të njollosen mjekët e infermierët me lehtësi, duke thënë që ose nuk ofrojnë shërbime cilësore ose janë aq të mirë sa e lëshojnë vendin. Mendoj që nuk është aq situatë e zezë sa sulmohet sektori i shëndetësisë”, ka thënë ai.
Kryeministri i Kosovës, po ashtu tha se për çdo parregullsi apo shkelje të ligjit në këtë sektor duhet të veprojë prokuroria.
Në lidhje me Raportin e Progresit, Kurti ka thënë se ditëve në vijim secili ministër do të japë detaje për sektorin e tyre.