Kurti për sulmet ndaj policisë: Zero tolerancë ndaj strukturave ilegale të Serbisë

Kryeminsitri i Kosovës, Albin Kurti, pas homazheve te shtatorja e heroit Zahir Pajaziti, sulmet ndaj pjesëtarëve të Policisë së Kosovës në veri të vendit, i ka quajtur terroriste dhe se për qëllim kishin vrasjen

Kryeminsitri i Kosovës, Albin Kurti

Kryeminsitri i Kosovës, Albin Kurti, sulmet ndaj pjesëtarëve të Policisë së Kosovës në veri të vendit, i ka quajtur terroriste dhe se për qëllim kishin vrasjen.

Kështu është shprehur Kurti para mediave, pas homazheve pranë shtatores së dëshmorit Zahir Pajaziti, ku ka theksuar nuk do të ketë tolerancë nga Qeveria e Kosovës ndaj strukturave ilegale të Serbisë.

“E kemi dënuar ashpër këtë sulm i cili ishte terrorist meqë me plumba e gramnata u gjuajtën pjesëtarët e policisë të cilët patën fat që në veturat e tyre pësuan vetëm dëme materiale. Me strukturat ilegale të Serbisë me krimin e organizuar kurrë nuk do të ketë as një gramë tolerancë nga Qeveria e Kosovës, shteti i Kosovës, Ministria e Punëve të Brendshme e as policia”, është shprehur Kurti.

Pamje të sulmit ndaj Policisë së Kosovës në veri

“Nga këto sulme kanë pasur për qëllim të vrasin por fatmirësisht nuk kemi pasur dëme në njerëz”.

Ai ka potencuar se ky rast u përket organeve të rendit që të bëjnë hetimet mbi ata që e bënë sulmin dhe të zbardhin rastin.

“U takon organzeve të rendit të bëjmë hetimet mbi ata që bënë sulmin për të zbardhur rastin por edhe për të vlerësuar situatën e sigurisë se çka duhet të ndërmarrim në vijim në mënyrë që të pamundësojmë sulmet e tilla”, shtoi ai.

Në anën tjetër, të shtunën e 16 prillit, mediat serbe kanë raportuar se Britania e Madhe është duke e furnizuar Kosovën me raketa anti-tank ”Javelin” dhe ”NLAW”.

Kryeministrja e Serbisë, Ana Bërnabiç kishte deklaruar se është mjaft e shqetësuar për armatosjen e Forcës së Sigurisë së Kosovës (FSK).

”Kurti thotë se ne po armatosemi, ndërsa dikush tjetër po e armatos atë. Unë jam e shqetësuar se sa mbështetje ka pasur ai që serbëve të mos i lejojë të drejtën themelore për të votuar, fillimisht në referendum dhe pastaj në zgjedhje”, tha Bërnabiç.

Ndërkaq, Kurti ka kërkuar që deklaratat “të cilat vijnë nga Beogradi”, nuk bën assesi që të merren si fakte.

Kryeministri i Kosovës, Albin Kurti

“Natyrisht që ne e kemi shtuar buxhetin për mbrojtjen e Kosovës, është rritur për 52 për qind, por për të gjitha hapat e mëtujeshëm duhet t’i merni informatat nga Ministria e Mbrojtjes, nga ministri Mehaj, Qeveria e Kosovës dhe jo nga Beogradi, nuk ka nevojë që ata t’iu gënjejnë edhe më shumë e që ta kuptoni s’duhet t’iu besoni më asnjëherë”, shtoi Kurti.

Po ashtu, kryeministri Kurti është pyetur edhe për marrëveshjen e reciprocitetit të targave, ujdi kjon që do të skadojë më 21 prill të këtij viti.

Sipas Kurtit, ajo që është e padiskutueshme është parimi i reciprocitetit.

“Me datë 21 prill është afati i fundit kur do të duhej të merreshin vesh për targat, e di që parimi për reciprocitetin do të jetë aty, për aspekte teknike e kemi grupin dhe negociatorin që po bisedon që të gjejë zgjdihje. Ajo që di, që është e padiskutueshme e panegociushme është parimi i i reciprocitetit si thelb i çfarëdo zgjidhje të ardhshme”.

Kryeminsitri i Kosovës, Albin Kurti

Ndërkaq, sa i përket mundësisë për një tërheqje të mjeteve financiare nga Fondi për Kursime Pensionale, Kurti ka thënë se kjo nuk do të ishte një zgjidhje.

“E kemi thënë shumë më herët edhe kur ishin në opozitë edhe tani me pakon e ringjalljes ekonomike e zbusim krizën e cila për shkak se ka faktorë më të mëdhenjë sesa në vendin tonë nuk është e elimuneshme për njëherë por nuk konsiderojmë se duke marrur nga pleqëria individuale e punëtorëve të tanishëm do të mund ta zgjidhim problemin. Edhe eksperët kanë thënë se një zgjidhje e tillë nuk është zgjidhje”, ka thënë ai.

Këto deklarata Kurti i bëri pas homazheve me rastin e Ditës së Dëshmorëve, ku ka thënë se e kaluara e lavdishme është vendimtare për ecjen e Kosovës si shtet.

Kryeminsitri i Kosovës, Albin Kurti, bën homazhe te shtatorja e heroit Zahir Pajaziti

Gjatë homazheve, Kurti ishte i shoqëruar me ministrin e Punëve të Brendshme, Xhelal Sveçla, ministrin e Mbrojtjes, Armend Mehaj dhe bashkëpartiakët e tij.

Shija e redaktorit

KB Prishtina bëhet pjesë e garës më të re të...

Kryetari i Klubit të Basketbollit Prishtina, Blerand Stavileci ka bërë të ditur se klubi i tij ka marrë ftesën për pjesëmarrje në garën më...

DokuFesti me turistët e huaj, infuzion për ekonominë e Prizrenit

Dhjetëra e mijëra vizitorë vendorë e ndërkombëtarë kanë shkelur rrugëve të qytetit të Prizrenit gjatë javës së fundit. Shkaku i këtij fluksi turistësh në kryeqytetin historik...

“You have no idea”, paradoksi i jetës së përditshme

Si të shprehim diçka që s’mund të thuhet? Si ta artikulojmë të paartikulueshmen? Si ta mendojmë të pamendueshmen? "You have no idea" (Ju s'e...

Më të lexuarat

Video ekskluzive nga incidenti në Pejë

Një zënkë verbale në mes të pronarëve të dy dyqaneve në qytetin e Pejës, ka dërguar deri te përdorimi i armës së zjarrit. Sipas burimeve...

Babai i Marigona Osmanit: Në qoftë se Marigona do të...

Në Shëngjin kishin qëndruar rreth 3-4 orë, në një bisedë me Dardanin, babait të Marigona Osmanit i ishte dukur si njeri i qetë. Për...

Babai i Marigona Osmanit: Nëna e Krivaqës më thoshte kam...

Muhabi Osmani - babai i të ndjerës, Marigona Osmani, e ka përshkruar këtë të fundit si një vajzë të qetë, të urtë e të...

Të fundit nga rubrika