Kurti për targat: Do të shohim se sa të suksesshme do të jenë negociatat e reja

Kreu i Qeverisë së Kosovës, Albin Kurti, në një konferencë për media në Estoni i pyetur nga gazetarët për çështjen e targave ka thënë se mbetet të shihet në të ardhmen se sa të suksesshme do të jenë negociatat e reja me Serbinë

Kryeministri i Kosovës, Albin Kurti në konferencë për media në Estoni





Kryeministri i Kosovës, Albin Kurti, përgjatë vizitës së tij zyrtare në Estoni ka mbajtur konferencën e përbashkët me kryeministren e atij vendi, Kaja Kallas.

Në këtë konferencë, Kurti i pyetur nga gazetarët për targat ka thënë se zëvendëskryeministri Besnik Bislimi është në bisedime intensive me Brukselin për të zgjidhur këtë çështje.

“Zëvendëskryeministri im i parë është në bisedime të rregullta dhe intensive me Brukselin për ta zgjidhur këtë çështje. Janë 9 mijë vetura me targa ilegale, pra është një pakicë ekstreme brenda shumicës serbe që po refuzojnë këto targa. Jemi duke bërë çmos për ta mbajtur ligjshmërinë dhe kushtetutshmërinë nga njëra anë dhe paqen e sigurinë nga ana tjetër”, ka deklaruar Kurti.

Ai ka thënë se qasja e Beogradit për dialog është dekonstruktive, pasi edhe vetë Beogradi sipas tij ka urdhëruar dorëheqjen e serbëve nga institucionet e Kosovës.

“Kemi pasur një dallim në qasje për zbatimin e vendimit, megjithatë Beogradi urdhëroi serbët që të braktisin institucionet e Kosovës. Unë apeloj që të mos japin dorëheqje, sepse institucionet demokratike janë të të gjithëve, jo vetëm të një kryeministri”.

Ai ka thënë se në ditët e ardhshme do të ketë negociata të reja me Serbinë dhe do të shihet se a do të jenë të suksesshme apo jo.

“Jemi duke bërë çmos për të mbajtur ligjshmërinë dhe kushtetutshmërinë, unë jam optimist, por qasja e Beogradit ka qenë mjaft destruktive. Në ditët e ardhshme do të shohim se sa të suksesshme do të jenë negociatat e reja”.

Ai ka theksuar sërish se fokusi i bisedimeve me Serbinë është marrëveshja finale me njohje reciproke në qendër.

Ndërkaq i pyetur për Dhomat e Specializuara të Kosovës në Hagë dhe punën e tyre, Kurti ka thënë se në ish-Jugosllavi janë vrarë rreth 150 mijë joserbë dhe se për fat të keq në Serbi nuk janë dënuar për këtë as 150 persona.

“Vetëm në vendin tim në Kosovë 10 mijë civilë të armatosur janë vrarë, prej tyre 10 për qind fëmijë, janë dhunuar shumë femra, 120 mijë shtëpi janë shkatërruar ose djegur, 860 mijë refugjatë është dashur të ikin për shkak të gjenocidit të Serbisë, dhe nuk ndiej që drejtësia është përmbushur”, ka theksuar Kurti.

Kurti rekomandoi që të krijohet një tribunal për viktimat e luftës së Rusisë në Ukrainë, pasi sipas tij vendet demokratike nuk mund të mbështeten vetëm në gjykatat e një vendi të vetëm.

Shefi i ekzekutivit ka thënë se Republika e Estonisë është mike dhe partnere strategjike e Kosovës.

“Ne me Estoninë ndajmë vlera të përbashkëta të lirisë dhe demokracisë”, ka theksuar ai.Ndryshe, të enjten e 17 nëntorit, kryeministri Kurti ka udhëtuar për vizitë zyrtare në shtetin e Estonisë.

Siç ka njoftuar Zyra e Kryeministrit, ai pritet të ketë takime me përfaqësues të tjerë të këtij shteti.

Me ftesë të presidentit francez, Emmanuel Macron, më 10 nëntor kryeministri Albin Kurti, kishte udhëtuar në Paris të Francës, ku kishte marrë pjesë në Forumin e Paqes.

Më pas, Kurti e kishte vizituar Austrinë dhe së fundmi edhe Gjermaninë.




Shija e redaktorit

Gazetari i RTV Dukagjinit, Dardan Idrizi shpallet fitues i çmimit...

Në ditën e shënimit të 20 vjetorit të themelimit të Asociacionit të Gazetarëve të Kosovës (AGK), kjo organizatë ka mbajtur një event, në të...

Fotografia familjare e Samitit në Tiranë

Siç e do zakoni, pjesëmarrësit e Samitit në Tiranë për Ballkanin Perëndimor dhe Bashkimit Evropian, kanë realizuar "fotografinë familjare" në ambientet e Hotel Marriott,...

Fury mposht Chisoran, mbron titullin botëror të peshave të rënda

Boksieri britanik, Tyson Fury, ka mposhtur Derek Chisoran ​​për të mbrojtur titullin e tij WBC, të peshave të rënda. Meçi ka zgjatuar deri në raundin...

Më të lexuarat

BE merr ‘anë’ në raportet mes Kosovës dhe Serbisë

Emrimi i Nenad Rashiq, Ministër për Kthim dhe Komunitete nga Kryeministri i Kosovës, Albin Kurti, ka ardhur një muaj pas bojkotimit të institucioneve të...

Tentim grabitje e armatosur në një market të Gjilanit

Një tentim grabitje ka ndodhur në komunën e Gjilanit, më saktësisht në marketin Tina. Punëtorët e marketit ia kanë dalë t'ia marrin armën nga dora...

Kosova me rrugë të pasigurta, pothuajse çdo 25 minuta një...

Në rrugët e Kosovës gjatë vitit 2020, kishin ndodhur, gjithsej, 12 mijë e 657 aksidente, ndërsa në vitin 2021 numri i aksidenteve ishte rritur...

Të fundit nga rubrika