Në 25-vjetorin e masakrës në Saradran të Istogut, kryeministri i Kosovës, Albin Kurti, ka përkujtuar 18 civilët e vrarë nga forcat ushtarake, policore e paramilitare të Serbisë.
Në një postim në Facebook, Kurti thotë se dëshmitari i gjallë, Naim Elshani, ua ka rrëfyer tmerrin e asaj dite.
Kreu i ekzekutivit thotë se vetëm drejtësia mund t’i mbyllë plagët.
“Nderuam kujtimin e tre dëshmorëve Mavraj, Demushit, Ibishit dhe Bekimit, të cilët ranë në ballafaqim me forcat armike serbe. Vetëm drejtësia i mbyllë plagët, duke i vendosur prapa grilave të gjithë urdhërdhënësit dhe ekzekutorët. Lavdi të gjithë atyre të cilët ranë në rrugën e gjatë e të vështirë të Kosovës për liri”, shkroi Kurti.