Kryeministri i Kosovës, Albin Kurti, është shprehur i tronditur nga vrasja e ish-kryeministrit japonez, Shinzo Abe.
Kurti në një postim në Twitter, ka shkruar se Abe ishte lider i shquar i Japonisë dhe mik i mrekullueshëm i Kosovës.
We’re saddened & shocked by the murder of former Prime Minister Shinzo Abe. PM Abe was an outstanding leader of Japan & wonderful friend to Kosova. The Government of the Republic of Kosova & our people are praying for PM Abe's family, his friends, & the people of Japan. pic.twitter.com/jdkc1NVta3
— Albin Kurti (@albinkurti) July 8, 2022
“Jemi të pikëlluar dhe të tronditur nga vrasja e ish-kryeministrit Shinzo Abe. Kryeministri Abe ishte një lider i shquar i Japonisë dhe mik i mrekullueshëm i Kosovës. Qeveria e Republikës së Kosovës dhe populli ynë po luten për familjen e ish-kryeministrit Abe, miqtë e tij dhe popullin e Japonisë”, shkruan Kurti.
Edhe Presidentja e Kosovës, Vjosa Osmani është shprehur e pikëlluar me vdekjen tragjike të ish-kryeministrit japonez, Abe.
Osmani në një postim në Twitter, ka shkruar se Abe ishte një lider i shquar që ka luajtur një rol të rëndësishëm në thellimin e lidhjeve Kosovë-Japoni.
“E pikëlluar thellë për vdekjen tragjike të ish-kryeministrit japonez, Shinzo Abe. Ai ishte një lider i shquar që luajti një rol të rëndësishëm në thellimin e lidhjeve Kosovë-Japoni dhe do të mbahet mend si aleat i popullit të Kosovës”, ka shkruar Osmani.
“Mendimet tona janë me familjen Abe dhe popullin e Japonisë”, ka theksuar ajo.
Ndryshe, ish-kryeministri japonez, Shinzo Abe, ka vdekur pasi është qëlluar me armë të premten, përgjatë fushatës për zgjedhjet parlamentare.
Abe, 67-vjeçar, i cili njëherësh mbetet kryeministri më jetëgjatë i Japonisë, u qëllua prapa gjersa ishte duke mbajtur një fjalim në fushatë.
Policia ka bërë të ditur se një burrë 41-vjeçar i dyshuar për kryerjen e kësaj vepre në qytetin perëndimor të Narës është arrestuar, transmeton “Reuters“.
Ndër të tjera, policia ka identifikuar autorin e dyshuar si Tetsuya Yamagami, banor në Nara. Mediat thanë se ai kishte shërbyer në ushtrinë japoneze.
Pasi u qëllua me armë, vdes ish-kryeministri japonez, Shinzo Abe