Kurti për vizitën e Bërnabiqit: Reagim ndaj vizitës sonë në Luginë të Preshevës

Kryeministri i Kosovës ka komentuar vizitën e kryeministres së Serbisë, Ana Bernabiq, në Kosovë. Këtë vizitë, Kurti e konsideron si reagim ndaj vizitës së dy ministrave nga Qeveria e Kosovës në Luginë të Preshevës

Kryeministri i Kosovës, Albin Kurti

Kryeministri i Kosovës, Albin Kurti, ka komentuar vizitën e paralajmëruar të homologes së tij, Bërnabiq në Veri të Mitrovicës.

Në një konferencë për media së bashku me Ministrin e Financave, Hekuran Murati, ku të dy shpalosën pakon për përballjen e inflacionit, Kurti ka thënë se vizita e homologes së tij është një përgjigje ndaj vizitës së ministrave të qeverisë në Luginën e Preshevës.

“Zyrtarët e qeverisë do të shkojnë të hënën. Përshtypja ime është që kur e kanë kuptuar që do të shkojnë ministrat e mi atje, edhe ata kanë kërkuar që të vijë Bërnabiqi”, ka thënë Kryeministri Kurti.

Kurti ka thënë se ndryshimi i agjendës së Kosovës do të ishte një varësi ndaj Serbisë.

Ministria e Punëve të Jashtme dhe Diasporës në Qeverinë e Republikës së Kosovës, i është përgjigjur pozitivisht kërkesës së kryeministres së Serbisë, Ana Bërnabiq, që ta vizitojë Kosovën me datën 5 shtator të këtij viti.

Me rastin e konfirmimit të vizitës së saj, Kryetari i Preshevës, Shqiprim Arifi, ka ftuar Kryeministrin Kurti për një vizitë dyditore në Luginën e Preshevës.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika