“Bërnabiq le të hyjë në Kosovë me letërnjoftimin e autoriteteve të lëshuara në Beograd dhe le ta shohin se gjithçka po funksionon si në një shtet demokratik i cili është edhe më demokratik se Serbia gjithsesi, por madje edhe më i pavarur se Serbia”.
Kështu ka thënë Kryeministri i Kosovës kur është pyetur për vizitën e paralajmëruar të homologes së tij nga Serbia, Ana Bërnabiq.
Përgjatë një konference për media krahas Ministrit të Financave, Hekuran Murati me të cilin prezantoi pakon për përballimin e inflacionit, Kurti ka komentuar vizitën e Bërnabiq, vizitë kjo që pritet të realizohet të hënën.
Ndër të tjera, Kurti ka thënë se “Serbia për ne nuk është shtet që njihet” gjersa ka theksuar se reciprociteti tashmë është i vendosur, dhe si i tillë do të vazhdojë gradualisht deri në një reciprocitet të plotë.
“Deri në një njohje reciproke, de do të vendosim një reciprocitet gradual”, ka thënë Kurti gjersa ka theksuar se momentalisht, të dyja shtetet janë në mosnjohje.