Kurti priti në takim kampionin e superligës në basketboll, KB Peja

Kryeministri i vendit, Albin Kurti ka pritur në takim kampionët e superligës së basketbollit në Kosovë, Klubin e Basketbollit, Peja të cilët i ka uruar për arritjen në këtë sezon

FOTO: ZKM

Kryeministri i Kosovës, Albin Kurti, të enjten e 25 majit, ka pritur në takim kampionët e këtij edicioni të superligës së basketbollit në Kosovë, Klubin e Basketbollit Peja.

Siç njofton Zyra e Kryeministrit, shefi i ekzekutivit vuri theksin te fakti se edicioni i sivjetmë i superligës ka rikthyer basketbollin në vëmendjen e secilit, duke potencuar kështu se rritja e shikueshmërisë dhe mbështetjes për sportin lokal, sinjalizon drejtimin e duhur të zhvillimit të sportit në nivel shtetëror.

Tutje bëhet e ditur se Kurti uroi drejtuesit dhe lojtarët e Klubit të Basketbollit Peja, për arritjen në këtë sezon dhe u dëshiroi edhe më shumë suksese në të ardhmen.

“Po ashtu theksoi se si Qeveri jemi të interesuar që ta forcojmë sa më shumë sportin, i cila ka shumë rëndësi për rininë dhe për shëndetin, por edhe për afirmimin e Shtetit”, thuhet në njoftim.

Në takim, kryeministri Kurti ishte i shoqëruar nga ministri i Administrimit të Pushtetit Lokal, Elbert Krasniqi dhe zëvendësministrja e Kulturës, Rinisë dhe Sportit, Daulina Osmani.

Ndërkaq, përveç lojtarëve të KB Peja, të pranishëm ishin edhe drejtuesit e këtij klubi, presidenti Fatmir Gashi dhe zëvendëspresidenti Egzon Burri.

KB Peja, të cilët shënuan 30-vjetorin e themelimit, kanë rrugëtim të gjatë të sukseseve në basketbollin vendor.

Ishte edicioni 1992/1993 kur Peja fitoi titullin e parë të kampionit, ndërsa 2022/2023 e bën atë shtatë herë kampion të Kosovës.

Shija e redaktorit

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Ditët e para të çlirimit, rrëfim nga ish-zyrtari për informim...

Për ditë me radhë në territorin e Maqedonisë, ushtarët e NATO-s stërviteshin për përballjen me forcat serbe në Kosovë. Më 10 qershor në Kumanovë, Serbia...

Botim i ri edukativ – “Shprehi të mira, fëmijë të...

Në kuadër të lëndës me zgjedhje “Edukimi për shëndetin”, klasat e dyta, nga viti shkollor 2024/25, do të kenë në bankat shkollore librin "Shprehi...

Të fundit nga rubrika