Kurti: Problemet që kemi nuk kanë të bëjnë me serbët, por me Beogradin që nuk u distancua nga Millosheviqi

Kryeministri i Kosovës, Albin Kurti, në Samitin “The Western Balkans 2024”, është shprehur se problem në Kosovë nuk janë qytetarët serbë, por Beogradi që nuk distancohet nga e kaluara.

“Problemet që kemi nuk kanë të bëjnë me serbët, por me Beogradin që nuk u distancua as nga Millosheviqi i së kaluarës e as nga Putini i së tashmes, pra ky është problemi që kemi, jo si popull, por si qeveri,” ka thënë Kurti.

Po ashtu, Kurti bëri të ditur që ani pse universiteti në veri të vendit nuk është legal, prapë diplomat e atij universiteti po verifikohen e po pranohen për funksionalizim për Republikën e Kosovës.

“Aspak problem me serbët e Kosovës në komunat e veriut që po integrohen, kemi tri gra zëvendëskryetare komunash, po legalizojmë patentë shoferët që kemi bërë me targat, po bëjmë verifikimin e diplomave, sepse universiteti atje është ilegal, megjithëse është ilegal gjejmë mënyra për t’i pranuar ata në tregun tonë të punës dhe institucionet shtetërore,” shtoi Kurti.

Kurti: Kosova udhëheq në Ballkanin Perëndimor për nga rritja ekonomike e sundimit të ligjit

Po ashtu, kryeministri deklaroi se po zhvillohet më shumë bashkëpunim dhe ka më shumë shpresë për të ardhmen

“10 nga 38 komuna janë me shumicë serbe, 17% e anëtarëve të kuvendeve komunale në të gjitha komunat e Republikës sonë janë serbë, bashkëpunojmë mirë, kam ministrin Nenad Rashiq për Komunitete dhe Kthim, kam tre zëvendësministra në qeverinë time dhe duam integrimin e serbëve. Shqiptarët janë pothuajse 93% e popullsisë, por kemi 4% serbë dhe kemi pakica tjera që duam t’i respektojmë, pra kemi boshnjakë, turq, ashkali, romë, egjiptas, goranë e disa malazezë e kroatë, pra duam të bashkëpunojmë mirë me të gjithë dhe duam të krijojmë Republikë Demokratike, në bazë të qytetarëve jo të ndarë në bazë etnike,” shtoi Kurti.

Shija e redaktorit

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Kosova dhe Izraeli me marrëveshje për heqjen e vizave

Izraeli i ka hequr vizat për qytetarët e Kosovës, duke u bërë kështu shteti i 50-të që mundëson lëvizje të lirë për kosovarët. Kështu ka...

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Të fundit nga rubrika