Kurti: Republika e Estonisë, mike dhe partnere strategjike për Kosovën

Kreu i Qeverisë së Kosovës, Albin Kurti gjatë vizitës së tij zyrtare në Estoni ka theksuar se Kosova dhe Estonia kanë marrëdhënie të shkëlqyera dypalëshe si dhe një të kaluar të ngjashme historike

Kryeministri i Kosovës, Albin Kurti në takim me kryeministren e Estonisë, Kaja Kallas





Kryeministri i Kosovës, Albin Kurti përgjatë vizitës zyrtare në Estoni është pritur nga homologia e tij, Kaja Kallas.

Kurti në një konferencë të përbashkët me kryeministren e Estonisë, Kallas ka thënë se Republika e Estonisë është mike dhe partnere strategjike për Kosovën.

“Ne ndajmë vlerat e përbashkëta të lirisë, demokracisë dhe mundësive të barabarta për të gjithë”, ka thënë Kurti.

Ai ka thënë se Qeveria e Kosovës vlerëson mbështetjen e Republikës së Estonisë për liberalizimin e vizave si dhe mbështetjen për anëtarësimin e Kosovës në organizatat ndërkombëtare, thuhet në njoftimin e Zyrës së Kryeministrit.

“Më lejoni të shpreh edhe një herë vlerësimin tonë për mbështetjen e vazhdueshme të Estonisë përgjatë fazave tona të shtetndërtimit, veçanërisht në avancimin e Kosovës drejt integrimit në BE”.

Ai ka thënë se integrimin në BE dhe NATO e konsideron si një proces të natyrshëm që bazohet në orientimin strategjik të Kosovës.

“Ne synojmë të fillojmë procesin e aplikimit për statusin e vendit kandidat dhe mbështetja e Estonisë në këtë drejtim do të vlerësohet shumë”.

Sipas tij, Kosova dhe Estonia, kanë marrëdhënie të shkëlqyera dypalëshe si dhe një të kaluar të ngjashme historike dhe për këtë siç është shprehur Kurti, Republika e Kosovës e merr seriozisht modelin estonez në shumë aspekte të shtetndërtimit, veçanërisht në lidhje me kapacitetet institucionale në reformën e administratës publike.

“Me kryeministren Kallas fola për progresin e Kosovës në një vit e gjysmë që po qeverisim dhe rezultatet që kemi arritur në zhvillimin e ekonomisë, por edhe në përmirësimin e të gjithë treguesve të demokracisë. Ne kemi treguar se demokracia dhe progresi ekonomik shkojnë krahas njëra-tjetrës. Sepse ka disa fuqi autokratike dhe superfuqi që duan të tregojnë se zhvillimi nuk ka nevojë për demokraci, por në fakt ka nevojë”.

Shefi i ekzekutivit ka thënë se potenciali ekonomik, kapitali njerëzor i arsimuar, popullata e re dhe e talentuar, klima e favorshme e biznesit dhe pozita e favorshme gjeostrategjike e bëjnë Kosovën një vend shumë tërheqës për investime të huaja direkte.





Shija e redaktorit

Gazetari i RTV Dukagjinit, Dardan Idrizi shpallet fitues i çmimit...

Në ditën e shënimit të 20 vjetorit të themelimit të Asociacionit të Gazetarëve të Kosovës (AGK), kjo organizatë ka mbajtur një event, në të...

Fotografia familjare e Samitit në Tiranë

Siç e do zakoni, pjesëmarrësit e Samitit në Tiranë për Ballkanin Perëndimor dhe Bashkimit Evropian, kanë realizuar "fotografinë familjare" në ambientet e Hotel Marriott,...

Çfarë do t’i sjellin Kosovës ujditë në samitin e BE-së...

Të martën e 6 dhjetorit, samiti në Tiranë do të jetë i pari midis Bashkimit Evropian dhe Ballkanit Perëndimor që zhvillohet në territorin e...

Më të lexuarat

BE merr ‘anë’ në raportet mes Kosovës dhe Serbisë

Emrimi i Nenad Rashiq, Ministër për Kthim dhe Komunitete nga Kryeministri i Kosovës, Albin Kurti, ka ardhur një muaj pas bojkotimit të institucioneve të...

Zotëria i parë i Kosovës për Vuçiqin: Ish-Ministri i “kasapit...

  Zotëria i parë i Kosovës, Prindon Sadriu ka shpërndarë një lajm në rrjetin e tij social Facebook, ku presidentin e Serbisë, Aleksandar Vuçiq e...

Serbia gjobitet nga FIFA për Kosovën

Federata e Futbollit të Serbisë është gjobitur nga FIFA të mërkurën për deklarata politike të  bëra në kuadër të Kupës së Botës që po...

Të fundit nga rubrika