“Kurti s’heq dorë nga xhipat e zi që dikur i urrente”, thotë Tahiri

Shefi i Grupit Parlamentar të AAK-së ka thënë se opsioni i vetëm për zgjedhje të parakohshme është dorëheqja e Kurtit

Shefi i Grupit Parlamentar të AAK-së, Besnik Tahiri.

Deputeti nga radhët e Aleancës për Ardhmërinë e Kosovës, Besnik Tahiri, ka thënë se kryeministri i Kosovës, Albin Kurti, “nuk dëshiron të heqë dorë nga privilegjet e shumta e nga xhipat e zi që dikur ‘i urrente’”.

Në një postim në Facebook, shefi i Grupit Parlamentar të AAK-së ka thënë se opsioni i vetëm për zgjedhje të parakohshme është dorëheqja e Kurtit.

“Tash kur po dihet që vetëm dorëheqja është opsion për zgjedhje të parakohshme, e kjo dihet që nuk ndodh, sepse Kurtin edhe zvarrë me tërheq nga Zyra e Kryeministrisë, ai nuk hjek dorë nga privilegjet e shumta e nga xhipat e zi që dikur i ‘urrente’”, shkroi ai.

Sipas Tahirit, opozita në këto muaj, duhet të përbashkohet.

Ai i ka renditur një sërë pyetjesh të cilat ka thënë se AAK-ja do të punojë e pyes qytetarët e Kosovës.

“A jeni duke jetuar më mirë se para tri viteve? Çka ka ndryshuar në jetën tuaj në sektorin e shëndetësisë, a e keni Ligjin e Sigurimit Shëndetësor? Çka ka ndryshuar në sektorin e arsimit? Çka ka ndryshuar te policët e Kosovës, te shërbyesit civilë?  Çka ka ndryshuar në ekonomi? A e keni jetën më të mirë apo është vështirësuar për shkak të pagës së ulët dhe çmimeve të larta? Jeta juaj a është bërë më e sigurt apo e pasigurt për shkak të eksperimentimit të qeverisë në aspektin e sigurisë? Marrëdhëniet e Kosovës me ShBA-në dhe Unionin Evropian a janë më të mira se para tri viteve? Çka u thotë qytetarëve të Podujevës për rrugën, të cilët bëjnë dy orë rrugë derisa të shkojnë nga Prishtina në Podujevë?  Çka u thotë qytetarëve të Gjakovës, të Gjilanit, të Mitrovicës?”, ka thënë ai.

“Suksesin kryesor të opozitës në muajt në vijim e shoh atëherë kur ajo e detyron qeverinë të përgjigjet në këto pyetje dhe nuk merret me njëri tjetrin.  Ne si parti do të shtrojmë pyetje e do ti ofrojmë alternativat. Aleanca i ka alternativat, do t’i shihni e do t’i debatojmë tani e tutje”.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika