Analisti, Astrit Gashi ka komentuar dialogun në mes të kryeministrit të Kosovës, Albin Kurti dhe presidentit të Serbisë, Aleksandar Vuçiq, ku ka thënë se Kurti për çështjen e targave nuk i kishte dëgjuar Shtetet e Bashkuara të Amerikës, por të hënën e 21 nëntrorit atë e diskutoj me Vuçiqin.
Sipas Gashit, Kurti e kishte refuzuar ShBA-në nën pretekstin se Kosova është shtet sovran.
“A është ma vendim sovran me shty kur të kanë thënë ShBA-të apo me negociua me Vuçiqin”, ka pyetur Gashi.
Më tej, Gashi ka thënë se beson që Kurti kur e ka marrë këtë vendim, ka planifikuar një hyrje edhe një dalje nga ai plan.
“Nuk pajtohem me deklaratën e Borrellit, pajtohem me kryeministrin dhe presidenten Vjosa Osmani kur thonë që është qëndrim i njëanshëm që një ndërmjetësues nuk duhet ta ketë”, ka thënë ai.
Gashi në Debat Plus në RTV Dukagjini ka thënë se është i interesuar ta dijë qëllimin e këtij vendimi duke u deklaruar se ai është i mendimit që mos të shtyhet ky vendim për targat e paligjshme “KM”.
“Kurrë në jetë nuk kisha besuar që kryeministri Albin Kurti shkon e negocion një vendim që ka marrë me vetëdije të plotë” dhe atë me Vuçiqin, ka deklaruar ai.