Kurti shpreh ngushëllime për vdekjen e ministrit të Brendshëm ukrainas

Kreu i Qeverisë së Kosovës, Albin Kurti, ka shprehur ngushëllime për vdekjen e ministrit të Punëve të Brendshme të Ukrainës, Denys Monastyrsky, i cili ishte në mesin e 15 personave të vdekur nga rrëzimi i helikopterit në periferi të Kievit

Kryeministri i Kosovës, Albin Kurti

Kryeministri i Kosovës, Albin Kurti, ka reaguar pas përplasjes së një helikopteri pranë një kopshti të fëmijëve në periferi të Kievit, ku la të vdekur të paktën 15 persona.

Kurti ka shprehur ngushëllime për vdekjen e ministrit të Punëve të Brendshme në Ukrainë, Denis Monastyrsky, i cili ishte në mesin e 15 personave të vdekur në këtë tragjedi, po ashtu për zëvendësin e tij, Jenin dhe anëtarëve të kabinetit të tij.

“I pikëlluar nga vdekja e ministrit të Punëve të Brendshme të Ukrainës, Denys Monastyrsky, zëvendësit të tij Jenin dhe anëtarëve të kabinetit të tij”, ka shkruar Kurti në Twitter.

Tutje, Kurti ka thënë se “Kosova shpreh ngushëllimet e saj të përzemërta për të dashurit e tyre dhe veçanërisht për familjet e fëmijëve që kanë humbur jetën”.

Ndryshe, deri më tani, 15 persona, duke përfshirë ministrin e Brendshëm të Ukrainës, Denis Monastyrsky, kanë mbetur të vdekur të mërkurën, kur një helikopter u rrëzua jashtë Kievit në qytetin e Brovary.

Këtë e ka bërë të ditur policia ukrainase pa specifikuar shkakun e rrëzimit, ndërsa shefi i Policisë Kombëtare, Ihor Klymenko, ka thënë se nëntë nga të vdekurit ishin në bordin e avionit, i cili u rrëzua pranë një kopshti fëmijësh dhe një ndërtese banimi në periferinë lindore të qytetit Brovary.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika