Kryeministri i Republikës së Kosovës, Albin Kurti, ka bërë thirrje për shtensionim të situatës në veri të Kosovës.
Në një deklaratë gjatë prezencës gjatë vendosjes së gur themelit të shtëpisë së familjes gorane, Kurti ka thënë se që situata të deeskalohet, është e nevojshme që të mos ketë më protesta të dhunshme.
“Situata në veri të Kosovës duhet të deeskalohet, për këtë është e nevojshme që të mos ketë më protesta të dhunshme, ata të cilët i kanë sulmuar ushtarët e KFOR-it, Policinë e Kosovës dhe gazetarët duhet të përballen me drejtësinë, e që në të ardhmen të kemi zgjedhje të lira, ku qytetarët e shprehin lirshëm vullnetin e tyre”, tha ai, raporton RTKlive.
Ai ka thënë se nevojitet sundimi i ligjit që veriu i Kosovës të ketë zgjedhje të lira.