Deputeti i PDK-së, Xhalit Haliti, në emisionin “Five” ka thënë se realizmi i marrëveshjes për normalizimin e marrëdhënieve mes Kosovës dhe Serbisë, mund të rritë numrin e shteteve që e kanë njohur Kosovën. Haliti beson që kryeministri i Kosovës, Albin Kurti e ka kuptuar nuk mund t’i ik asaj që ka ndodhur në të kaluarën.
Dhe kështu sipas Halitit, këto shtete që njohin Kosovën mund të garantojnë votim e në institucionet ndërkombëtare, përfshirë OKB-në.
“Besoj që nënshkrimi i marrëveshjes në qoftë se realizohet, në qoftë se në nuk bëjmë pengesë për zbatimin e marrëveshje atëherë mendoj që bashkësia ndërkombëtare ne bashkëpunim me qeverinë, presidentin dhe parlamentin mund ta rrisin numrin e vendeve të njohjeve, që mund të garantojnë votimin në institucionet ndërkombëtarë, përshirë edhe OKB-në”, ka thënë Haliti.
Haliti theksoi se shtetet e Ballkanit Perëndimor duhet që t’i eliminojnë problemet që i kanë me njëra tjetrën që të bëhen pjesë e Evropës.
“Unë personalisht e kam vlerësuar pozitive nënshkrimin e marrëveshjes, politikisht partia në të cilin jam ka insistuar dhe po insiston që çështje kryesore me qenë njohja reciproke. Por ne kemi marrëveshjen e 2013 dhe 1025 dhe ato marrëveshje kemi me i zbatu dhe aneksi është për me e rregullu kohën për marrëveshje që janë nënshkruar. Besoj që e ka kuptuar edhe Kurti që nuk mund t’i ik asaj që ka ndodhë”, ka shtuar ai.