Kryeministri i Kosovës, Albin Kurti, ka pritur në takim ambasadorin e Suedisë në Kosovë, Jonas Westerlund.
Në takimin e parë këtë vit me ambasadorin e Suedisë në Kosovë, Jonas Westerlund, Kurti e ka falënderuar për bashkëpunimin e mirë dhe ndihmën e vazhdueshme të Suedisë në zhvillim, demokratizim dhe qeverisje të mirë.
Në këtë takim është diskutuar për temat aktuale, marrëdhëniet bilaterale, me theks te ekonomia dhe shkëmbimet tregtare, dhe fushat e bashkëpunimit.
Kryeministria ka njoftuar se Suedia është ndër pesë donatorët më të mëdhenj në Kosovë, duke dhënë kështu një kontribut të çmuar në forcimin e kapaciteteve të administratës publike, në përgatitjen dhe hartimin e politikave për barazi dhe mbrojtjen e mjedisit, si dhe promovimin e demokracisë dhe të të drejtave të njeriut.