Kurti takon ambasadorin Abbott, diskutojnë për çështjet e sigurisë

Kryeministri i Kosovës, Albin Kurti, gjatë takimit me ambasadorin e Mbretërisë së Bashkuar në Kosovë, Nicholas Abbott, ka diskutuar për marrëdhëniet bilaterale midis dy vendeve dhe çështjet e sigurisë

Kryeministri i Kosovës, Albin Kurti, është takuar me ambasadorin e Mbretërisë së Bashkuar në Kosovë, Nicholas Abbott

Kryeministri i Kosovës, Albin Kurti, është takuar me ambasadorin e Mbretërisë së Bashkuar në Kosovë, Nicholas Abbott, me të cilin ka diskutuar për marrëdhëniet bilaterale midis dy vendeve dhe çështjet e sigurisë.

Sipas njoftimit të zyrës së kryeministrit, thuhet se gjatë këtij takimi është diskutuar edhe për mundësitë e mëtejme të bashkëpunimit, në veçanti në fushën e ekonomisë, kulturës dhe sundimit të rendit e ligjit.

“Duke biseduar për çështjet e sigurisë u theksuan sfidat që vijnë nga agresioni rus në Ukrainë dhe lufta e zgjatur shkatërrimtare”, thuhet në njoftim.

Duke shprehur mirënjohjen e qeverisë së Kosovës për ndihmën dhe përkrahjen që Mbretëria e Bashkuar ia ka dhënë Kosovës, kryeministri Kurti ka ritheksuar përkushtimin për thellim të mëtejmë të partneritetit dhe aleancës së ndërsjelltë.

Ndërkaq, Abbott, më 13 maj kishte thënë se aplikimi i Kosovës në Këshill të Evropës është sinjal i mirëpritur.

Ambasadori i Britanisë së Madhe Nicholas Abbott

Sipas tij, me këtë aplikim shteti i Kosovës ka treguar se është i përkushtuar për sundim të ligjit dhe mbrojtje të të drejtave për qytetarët.

“Dëshira e Kosovës për t’iu bashkuar Këshillit të Evropës është një sinjal i mirëpritur i përkushtimit të saj ndaj demokracisë, sundimit të ligjit dhe mbrojtjes së të drejtave të të gjithë qytetarëve të saj”, ka thënë Abbot.

Dëshira e Kosovës për tu anëtarësuar në KE, sipas ambasadorit britanik në Kosovë, është shenjë gatishmërie për të “mbështetur vlerat kyçe evropiane dhe për të çuar më tej integrimin e saj ndërkombëtar”.

Çfarë është Këshilli i Evropës?

E themeluar në vitin 1949, kjo organizatë ka realizuar fushata për mbrojtje të fëmijëve, kundër gjuhës së urrejtjes si dhe për të drejtat e romëve, të cilët përbëjnë komunitetin më të madh në Evropë.

Këshilli i Evropës u ndihmon vendeve anëtare që të luftojnë korrupsionin dhe terrorizmin, si dhe të kryejnë reformat e duhura gjyqësore.

Grupi i saj i ekspertëve për kushtetutë, i njohur si Komisioni i Venecias, ofron këshilla ligjore për shtete të ndryshme në botë.

Si organizatë ndërkombëtare, Këshilli i Evropës nuk mund të bëjë ligje, por ka aftësi të nxisë zbatimin e marrëveshjeve ndërkombëtare, të arritura nga vendet anëtare për tema të ndryshme.

Dy trupat kyçe të Këshillit janë, Komiteti i Ministrave dhe Asambleja Parlamentare.

Përfitimet dhe sfidat e Kosovës nga anëtarësimi në KiE

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika