Kurti takon shefen e Zyrës Ndërlidhëse greke, kërkon njohjen e Kosovës nga Greqia

Kryeministri Albin Kurti ka kërkuar që Greqia t’iu bashkohet shumicës së vendeve të Bashkimit Evropian dhe ta njohë pavarësinë e Kosovës

Kryeministri i Kosovës, Albin Kurti, gjatë takimit të tij me shefen e Zyrës ndërlidhëse greke në Kosovë, Heleni Vakali

Kryeministri i Kosovës, Albin Kurti, gjatë takimit të tij me shefen e Zyrës ndërlidhëse greke në Kosovë, Heleni Vakali, ka kërkuar që Greqia t’iu bashkohet shumicës së vendeve të Bashkimit Evropian dhe ta njohë pavarësinë e Kosovës.

Sipas një njoftimi të zyrës së kryeministrit, thuhet se gjatë këtij takimi janë theksuar marrëdhëniet e mira midis dy vendeve dhe mundësitë e thellimit të tyre nëpërmjet rritjes së shkëmbimeve tregtare dhe rritjes së bashkëpunimit ekonomik dhe investimeve.

“Kryeministri Kurti kërkoi që Greqia t’ju bashkohet shumicës së vendeve të Bashkimit Evropian dhe ta njohë pavarësinë e Kosovës”, thuhet në njoftim.

Kryeministri i Kosovës, Albin Kurti, gjatë takimit të tij me shefen e Zyrës ndërlidhëse greke në Kosovë, Heleni Vakali

Në anën tjetër, ambasadorja Vakali, është shprehur e nderuar për detyrën që ka marrë, dhe ka thënë se Greqia është mike e sinqertë dhe e fuqishme e Kosovës.

“Edhe pse ende nuk e njeh pavarësinë e Kosovës, Greqia ka arritur të zhvillojë marrëdhënie bilaterale pa kurrfarë problemi”, ka thënë ajo gjatë takimit me Kurtin.

Po ashtu, Vakali është shprehur e impresionuar me potencialin e madh që ka Kosova dhe mundësitë që ekzistojnë për bashkëpunimin bilateral.

Kryeministri i Kosovës, Albin Kurti, gjatë takimit të tij me shefen e Zyrës ndërlidhëse greke në Kosovë, Heleni Vakali

“Ambasadorja e vlerësoi angazhimin e qeverisë për vlera demokratike dhe për rezultatet në luftimin e korrupsionit”, vijon njoftimi.

Ndërkohë, Kurti dhe ambasadorja Vakali u dakorduan për vazhdimin e projekteve të përbashkëta në arsim e kulturë dhe në organizimin e radhës të forumit ekonomik.

Shija e redaktorit

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

FFK prezanton nesër përzgjedhësin e ri të Kosovës

Federata e Futbollit të Kosovës (FFK) përmes një njoftimi zyrtar ka bërë të ditur se nesër (e shtunë) do të bëhet prezantimi i përzgjedhësit...

Të fundit nga rubrika