Kryeministri i Kosovës, Albin Kurti ka udhëtuar për në Mbretërinë e Bashkuar.
Në njoftimin e zyrës së kryeministrit thuhet se atje Kurti do të marrë pjesë në Konferencën Vjetore të Partisë Laburiste, e cila mbahet në Liverpool.
“Përgjatë punimeve të kësaj konference, krahas fjalimeve, ai do zhvillojë takime me përfaqësues të lartë të kësaj partie si dhe përfaqësues të partive simotra nga shtete të ndryshme, që do të marrin pjesë në konferencë”, thuhet në njoftim.
Konferenca vjetore e Partisë Laburiste ka filluar këtë të diel në qytetin e Liverpoolit dhe pritet të zgjasë deri të mërkurën e 11 tetorit.
Kjo konferencë do të mbulojë shëndetin, shkollat, strehimin, azilin, dhunën ndaj grave, të drejtat e punëtorëve, transportin dhe liritë civile.