Kryeministri i vendit, Albin Kurti, ka udhëtuar sot për në New York të Shteteve të Bashkuara të Amerikës, ku do të zhvillojë takime bilaterale me liderë botërorë në kuadër të Javës së Nivelit të Lartë të Sesionit të 81-të të Asamblesë së Përgjithshme të Kombeve të Bashkuara.
Sipas njoftimit të Zyrës së Kryeministrit, qëllimi i këtyre takimeve është promovimi dhe forcimi i vlerave dhe interesave kyçe shtetërore të Kosovës në arenën ndërkombëtare.
Gjatë qëndrimit në SHBA, Kurti pritet të zhvillojë takime edhe me pjesëtarë të komunitetit shqiptar, përfaqësues të shoqatave të diasporës, si dhe investitorë potencialë në ekonominë e Kosovës.