Kryeministri i Kosovës, Albin Kurti, ka uruar Shtetet e Bashkuara të Amerikës (ShBA) për 248-vjetorin e shpalljes së pavarësisë, duke kujtuar Thomas Jefferson – autorin kryesor të Deklaratës së Pavarësisë, i cili më vonë shërbeu si presidenti i tretë i Shteteve të Bashkuara nga 1801 deri në 1809.
Shefi i ekzekutivit ka thënë se edhe deklarata e Pavarësisë së Kosovës është frymëzuar prej të njëjtave ideale në të cilat u bazuan Jefferson dhe bashkëthemeluesit e tij.
“Më 24 qershor 1826, Thomas Jefferson shprehu një dëshirë të fundit: që Deklarata e Pavarësisë e Shteteve të Bashkuara të Amerikës do ta frymëzonte edhe pjesën tjetër të botës që ‘t’i thyejë prangat’ dhe ‘t’i pranojë bekimet dhe sigurinë e vetëqeverisjes’. Jefferson vdiq vetëm 10 ditë më vonë, më 4 korrik, në ditëlindjen e 50-të të vetë shtetit të cilin kishte ndihmuar ta themelonte. Gati 200 vjet pas vdekjes së Jefferson-it, ende punojmë palodhshëm për t’ia plotësuar dëshirën e fundit. Deklarata e Pavarësisë e Republikës së Kosovës, e shekullit XXI, përveçse ngjarje politike nga aspirata historike e popullit tonë, është frymëzuar prej të njëjtave ideale në të cilat u bazuan Jefferson dhe bashkëthemeluesit e tij në shekullin XVIII”, ka shkruar Kurti.
On June 24, 1826, Thomas Jefferson expressed a dying wish: that the Declaration of Independence would inspire the rest of the world to "burst the chains" and "assume the blessings & security of self-government." Jefferson passed away just ten days later, on the Fourth of July—the… pic.twitter.com/tjjGYrGeJF
— Albin Kurti (@albinkurti) July 4, 2024
“Prej vendvotimeve në mbarë botën, deri te fushëbetejat patriotike të Ukrainës plot guxim, le të vazhdojmë, gjithsecili, të bëjmë pjesën tonë në këtë përpjekje të përbashkët dhe të pafund: për ta mbajtur gjallë “Frymën e ’76-ës”, si për veten, ashtu edhe për brezat e ardhshëm. Gëzuar 4 Korrikun”, ka vijuar ai.