Kurti: Ushtria e Kosovës s’ka qenë kurrë më e madhe dhe më e armatosur se sot

Kryeministri i Kosovës, Albin Kurti, ka thënë se Ushtria e Kosovës s’ka qenë kurrë më e madhe dhe më e armatosur se sot

Kryeministri i Kosovës, Albin Kurti, në ceremoninë e parakalimit madhështor të pjesëtarëve të Forcës së Sigurisë së Kosovës [FSK] dhe Policisë së Kosovës [PK] për nder të 25 vjetorit të çlirimit të vendit, ka thurur lavde për investimet e fundit në armatimin e Ushtrisë dhe avancimin e ushtarëve nëpërmjet shkollimit në shkollat më të ndritura ushtarake në botë.

“Ushtria e Kosovës nuk ka qenë kurrë më e madhe se sot dhe më e mirë armatosur dhe pajisur. Kurrë nuk ka qenë më e stërvitur, trajnuar e shkolluar në akademitë më prestigjioze ushtarake të ushtrive mike perëndimore. Por, edhe kurrë s’ka qenë më e fuqishme dhe e gatshme për ta mbrojtur territorin dhe sovranitetin tonë dhe jetët tona, sepse ky është misioni i saj ta mbrojë Kosovën dhe të zhvillohet e avancohet krahas aleatëve tanë”, ka thënë Kurti.

Teksa ka lavdëruar punën e bërë të Ushtrisë së Kosovës, Kurti ka njoftuar se gjatë këtij vitit do t’i shtohen edhe 600 rekrutë të rinj.

Kurti nuk ka lënë pa përmend faktin se në Ushtrinë e Kosovës së shpejti do të vijnë edhe sistemi amerikan raketor i quajtur “Javelin”, përkrah dronëve “Bayraktar”.

“Jam i gëzuar të shoh bashkë me juve përparimin e madh dhe të shpejtë të FSK-së. Kjo është arritur si rezultat i investimeve dhe punës sonë të përbashkët shumëvjeçare, e veçanërisht brenda tri viteve të fundit. Është arritur dyfishimi i buxhetit për ushtri, rekrutimin e 1852 ushtarëve të rinj dhe këtë vit do t’i shtohen edhe 600 rekrutë të rinj. Trefishimin e investimin në armatimin, duke filluar nga ushtarët që deri para pak kohësh kishin armatim të lehtë personal, tani janë pajisur me armë të kalibrash të rëndë, me mijëra tyta artilerie, deri me dronët Bayraktar, të cilët do t’i shtohet edhe sistemi amerikan raketor Javelin”, shtoi Kurti.

Kurti tha se armët që sot ushtarët e Kosovës mbajnë në duar, janë aq moderne e të llojllojshme dhe, sipas tij, janë zgjatime të duarve të fuqishme të ushtarëve të Kosovës.

“Sot, ritmi i hapave tuaj, i zhurmës së çizmeve që i keni mbathur na kthen në ritëm të zemrave tona, neve që ju shohim me kaq admirim. Armët që ju i mbani shtrënguar në duar, këto armë aq të llojllojshme e kaq moderne, shumë prej të cilave do të na tregoni sot për herë të parë, janë zgjatime të vetë duarve tuaja të fuqishme në gatishmërinë e përhershme për ta mbrojtur rendin dhe ligjin, kushtetutshmërinë dhe sovranitetin, integritetin territorial dhe dinjitetin e qytetarëve të saj”.

Shija e redaktorit

Osmani takon presidenten Keller-Sutter: Zvicra vazhdon të jetë një nga...

Presidentja Vjosa Osmani është takuar me presidenten e re të Zvicrës, Karin Keller-Sutter në kuadër të takimeve që ka me liderë botërorë në konferencën...

Bëhuni pjesë e lojës shpërblyese të shtëpisë botuese “Dukagjini” –...

Shtëpia botuese “Dukagjini” fton të gjithë lexuesit të bëhen pjesë e garës “Review për librat tanë”. Në këtë konkurs, ftohen të gjithë lexuesit e botimeve...

Rutte: NATO po ndjek zgjedhjet në Kosovë, duket se do...

Sekretari i Përgjithshëm i NATO-s, Mark Rutte, ka komentuar zhvillimet politike në vend gjatë një konference për media, duke vënë në pah se aleanca...

Të fundit nga rubrika