Kryeministri Albin Kurti ka shprehur ngushëllime për familjet e tre fëmijëve që humbën jetën tragjikisht mbrëmjen e së shtunës në Jabllanicë të Gjakovës.

Ai në një postim në Facebook, ka theksuar se Qeveria e Kosovës është pranë këtyre familjeve gjatë këtyre ditëve të vështira.

Kurti u ka shprehur ngushëllime të sinqerta për familjet Mehmeti, Rama dhe Morina dhe u lut që ata të gjejnë forcën për të përballuar këtë dhimbje të madhe.

Ai ka theksuar se vdekja e trefishtë ka tronditur të gjithë popullin dhe ka shprehur solidaritet me familjarët e viktimave, duke u lutur që shpirtrat e fëmijëve të prehen në paqe.

“Qeveria e Republikës së Kosovës është pranë jush në këto ditë të vështira. Kjo vdekje e trefishtë ka pikëlluar mbarë popullin tonë dhe na ka tronditur të gjithëve. Tre djelmoshat u prehshin në paqe”, ka shkruar Kurti në Facebook.