Kryeministri i Kosovës, Albin Kurti, ka thënë se presidenti i Serbisë, Aleksandër Vuçiq nuk po e nënshkruan Marrëveshjen e Brukselit, pasi sipas tij, do ta mbajë të hapur një mundësi për pushtimin e Kosovës dhe për të përsëritur agresionin.
Sipas Kurtit, nënshkrimi i kësaj marrëveshjeje është më urgjent se kurrë.
“Nënshkrimi i Marrëveshjes në mes të Kosovës dhe Serbisë është më urgjent se kurrë. Marrëveshja që kemi nuk është e plotë, pasi na duhet një marrëveshje me mirëbesim që të kemi legjitim dhe zbatim të saj. Duke mos e nënshkruar, Vuçiqi do që ta mbajë të hapur opsionin e pushtimit të Kosovës. S’mund të shoh tjetër kuptim substancial të këtij refuzimi për nënshkrim, pos kësaj, ata duan të mbajnë të hapur këtë derë, që të kenë dritare të tjera për t’u kthyer dhe për të përsëritur agresionin”, ka deklaruar Kurti në panelin e diskutimit mbi sfidat e sigurisë për Ballkanin Perëndimor, i organizuar nga instituti Chatham House.
Ai në këtë panel tutje ka thënë se 40% e parlamentarëve në Serbi janë anëtarë të grupit të miqësisë me Rusinë.
Tutje, ai ka thënë se gjatë dekadës së fundit, më shumë se 3000 njerëz janë trajnuar nga “Qendra Humanitare” ruso – serbe në Nish duke theksuar se ka fluturime të përditshme ndërmjet Moskës dhe Beogradit dhe se shumë biznese ruse po krijohen në Serbi.
“Gjatë dekadës së fundit, më shumë se 3000 njerëz janë trajnuar nga “Qendra Humanitare” ruse-serbe në Nish. Raportet mes Rusisë dhe Serbisë janë aq të mira, sa që ka fluturime direkte çdo ditë në mes të Moskës dhe Beogradit”, ka vijuar Kurti.
In a @ChathamHouse discussion, Kosovo's PM @AlbinKurti explains why the Kremlin's infiltration of Serbia is a hybrid threat to the Western Balkans:
• 40% of Serbian MPs are members of the friendship group with Russia.
• Over the last decade, more than 3,000 people have been… pic.twitter.com/Cayw6elduh
— Jakub Bielamowicz (@KubaBielamowicz) February 12, 2024