Shefja e Grupit Parlamentar të Lëvizjes Vetëvendosje (LVV), Mimoza Kusari-Lila, në seancën e jashtëzakonshme në Kuvend ku po diskutohet për zhvillimet e fundit në Korporatën Energjetike të Kosovës (KEK), ka kritikuar opozitën se po shfrytëzon mekanizmin e prokurorisë duke e kthyer sallën e këtij kuvendi në gjykatore.
Ajo ka ironizuar me opozitën duke u thënë që ta sjellin drejtorin tashmë të pezulluar të KEK-ut Nagip Krasniqi në Kuvend me duar të lidhura për ta intervistuar.
“Opozita po mundohet të shfrytëzojë mekanizmin atë të prokurorisë, duke e kthyer sallën e Kuvendit në gjykatore. Për ta realizuar këtë skenar deri në fund, unë i propozoj që ta bëjnë edhe një mocion sot, që Nagip Krasniqi nga paraburgimi të sillet këtu, në sallën e Kuvendit, ashtu duarlidhur siç e nxorën nga Gjykata dhe të pyetet për të gjitha procedurat e prokurimit dhe aktivitetet tjera sa ishte ai drejtor”, ka thënë Kusari – Lila.
Sipas saj, arrestime si ai i Nagip Krasniqit ndodhin, jo pse i jep tender dikujt, po sepse nuk i jep.
Ndërsa nga Partia Demokratike e Kosovës (PDK) ka pasur kritika se nuk është bërë menaxhimi i duhur në KEK nga qeveria, madje as me emërimin tashmë të ushtruesit të detyrës.
Shala me kritika ndaj qeverisë: Nuk keni sjellë asgjë në KEK përveçse shkatërrimit