Ceremonia e ndarjes së çmimeve të Topit të Artë 2023 është pothuajse pranë, dhe futbollistët më të mirë të botës presin me padurim për të zbuluar kush do të triumfojë në një ndër çmimet më prestigjioze të futbollit.

Kjo ceremoni do të mbahet në Theatre du Chatelet në Paris, të hënën më 30 tetor.

Çmimi që jepet çdo vit nga revista France Football, lojtarit më të mirë të sezonit të kaluar, është një prej momenteve më të ndjekura në botën e futbollit.

Me emra të mëdhenj të sportit në garë për ndarjen e çmimit, ka shumë pasion dhe presion për të zbuluar këtë vit kush do ta kapë trofeun e famshëm.

Lionel Messi është një nga emrat e mëdhenj të futbollit dhe është favoriti i shumicës për të fituar Topin e Artë për herë të tetë në karrierën e tij. Ai shënoi një vit të mrekullueshëm, duke udhëhequr Argjentinën drejt triumfit në Kupën e Botës FIFA në dhjetorin e kaluar.

Ky do të ishte një çmim i tetë për Messi, duke e ngritur atë edhe më lart në historinë e futbollit.

HERE ARE ALL THE BALLON D’OR NOMINEES! 🌕✨#ballondor pic.twitter.com/hg1ZByzhDV

— Ballon d’Or #ballondor (@ballondor) September 6, 2023

Karim Benzema, ish-sulmuesi i Real Madridit, fitoi çmimin e Topit të Artë për vitin 2022, duke konfirmuar pozicionin e tij si një nga qendërsulmuesit më të mirë në botë.

Megjithatë, ai nuk është shfaqur në listën e favoritëve këtë vit.

Megjithëse Messi është favoriti kryesor, ka edhe të tjerë që konsiderohen pretendentë të fortë për çmimin, përfshirë emra si Erling Haaland dhe Mohamed Salah e po ashtu edhe Jude Bellingham.

Përveç Topit të Artë, do të ndahen edhe çmime të tjera në këtë ceremoni. “Çmimi Kopa” do t’i jepet lojtarit më të mirë nën 21 vjeç, ndërsa “Çmimi Yashin” do të shpërblejë portierin më të mirë.