Eksperti i sigurisë, Drizan Shala, së fundi ka bërë një postim në rrjetin e tij social Facebook, ku flet për një strukturë serbo/ruse (EBSSA), ku i njëjti thotë që kjo strukturë vërehet se ka lidhje fizike dhe thelbësore me strukturën e paraushtarake të Rusisë – Wagner.
Shala nuk anashkalon mundësinë që grupet terroriste serbe të shpallura tashmë edhe nga Qeveria e Kosovës, të jenë trajnuar nga personeli i kësaj strukture, EBSSA.
“Nga ky përshkrim dhe informacione që mund të kenë strukurat e sigurisë se Kosovës, në takimin e radhës në Bruksel, pala serbe duhet të japë informacione për struktura të tilla në territorin e saj dhe çfarë lidhje kanë ato me strukturat e sigurisë së Beogradit”, ka shkruar Shala.
Tutje, Shala ka shtuar se në luftërat bashkëkohore, shtetet agresore e kamuflojnë vetën e tyre përmes kompanive të tilla, për t’i ikur vëzhgimit të strukturave të sigurisë dhe inteligjencës së shteteve demokratike.