Në një intervistë në emisionin “Debat Plus,” ish e burgosura politike, Vezire Demiri ka zbuluar emrat e dy shqiptarëve që ishin pjesë e Drejtorisë/Agjencisë së Sigurimit Shtetëror, e njohur si UDB si Nexhmedin Ajeti dhe Muharrem (mbiemri thotë Bekteshi por nuk i kujtohet saktë).
Demiri ka përmendur Nexhmedin Ajetin që, sipas saj ishte udbashi më brutal që e torturoi atë në burgun e Mitrovicës.
Demiri ka thënë se përveç Nexhmedin Ajetit në Mitrovicë ajo ishte marrë në pyetje edhe nga një person me emrin Muharrem për të cilin tha se nuk përdori dhunë por u soll mirë me të.
“Muharrem e ka pas emrin.Por ky është sjell shumë mirë. Bekteshi a e ka pas emrin nuk e di, por emrin Muharrem e ka pas por ky është sjell shumë mirë. Me sa e kujtoj unë ka qenë i Llaushës, veq u sjell mirë, ky nuk ka përdor dhunë”, ka vijuar ajo.
Sipas Demirit, dhunë më së shumti ka përdorur në burgun e Mitrovicës, Nexhmedin Ajeti dhe disa gra që ishin si police.
“Ka qenë Fevzija, ajo jo që ka qenë UDB-ashe por 10 udbashe i ka pas në trup të saj. Mbiemrin nuk ja di, me sa e di ka qenë e Bajrit. Ka qenë edhe një Minirja, ajo ka qenë kryesore aty, tmerret e saja sa të jam nuk i harroj”.