Komisioni Qendror i Zgjedhjeve ka publikuar rezultatet e numërimit të votave me kusht dhe atyre me nevoja të veçanta në raundin e dytë të zgjedhjeve lokale në komunën e Pejës.
Sipas rezultateve të KQZ-së, kandidati i Lëvizjes Vetëvendosje, Taulant Kelmendi, ka marrë 63,64 përqind të votave me kusht ose 14 të tilla derisa kryetari aktual, Gazmend Muhaxheri, ka marrë 8 vota, njofton Dukagjini.
Muhaxheri ndërkohë prin në rezultatin e votave me nevoja të veçanta, ku mori 107 vota ndërsa Kelmendi mori 38.
