Kushi: Procesi mësimor nuk do të fillojë në 13 shkolla në Shkodër

Në 13 shkolla në Shkodër, të hënën e 23 janarit nuk do të fillojë procesi mësimor për shkak të situatës së rënduar nga reshjet e dëborës

Ministrja e Arsimit, Evis Kushi

Ministrja e Arsimit, Evis Kushi, ka njoftuar se të hënën e 23 janarit, në 13 shkolla në disa njësi administrative të Shkodrës nuk do të fillojë procesi mësimor për shkak të situatës së rënduar nga reshjet e dëborës.

Kështu ka bërë të ditur ajo përmes një postimi në llogarinë e saj në Facebook, ku ka theksuar se strukturat arsimore, së bashku me bashkitë, kanë qenë në terren gjatë gjithë fundjavës për të marrë të gjitha masat e nevojshme për një fillim sa më të mbarë të procesit mësimor ditën e hënë.

“Fatmirësisht, pjesa më e madhe e shkollave ku u ndërpre mësimi javën e kaluar janë kthyer në normalitet, përveç 13 shkollave në disa njësi administrative të Shkodrës (Pult, Shosh dhe Shalë), ku për shkak të situatës së rënduar nga reshjet e dëborës, procesi nuk mund të fillojë ditën e hënë”, shkroi ajo.

Ajo ka renditur emrat e shkollave në të cilat nuk do të mbahet mësimi.

“Mbetemi të angazhuar maksimalisht me strukturat tona arsimore, duke besuar fort edhe në bashkëpunimin sa më të ngushtë me njësitë administrative përkatëse të Bashkisë Shkodër, që të punojmë së bashku për rikthimin sa më shpejt në normalitet edhe në këto shkolla”, shkroi Kushi.

Shija e redaktorit

Sulmuesi i përfaqësueses së Kosovës Muhamet Hyseni zyrtarizohet tek AC...

Të verdhit e rrezikshëm siç njihen në futbollin danez “AC Horsens” kanë arritur të bëjnë goditje të rëndësishme për afatin e ri kalimtar të...

Fermeri 74 vjeçar i shtëpisë së të moshuarve e funksionalizon...

Domate, speca, tranguj, kunguj e plot lloje të tjera perimesh janë të gjeturat e stinës në këtë serrë, mu në zemër të kryeqytetit. Ajo gjendet...

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Të fundit nga rubrika