Kuvendi i Republikës së Kosovës do të mbajë debat parlamentar për situatën në veri të Kosovës, të premten e 2 qershorit.
Siç thuhet në faqen zyrtare të tyre, e njëjta pritet të nisë me fillim nga ora 10:00.
Ky debat parlamentar vije pas zhvillimeve të fundit në komunat në veri të Kosovës, aty ku serbët lokalë janë duke protestuar kundër kryetarëve të zgjedhur.
Protestat nisën më 26 maj me mbledhjen e serbëve lokalë para objekteve të komunave, me qëllim pengimin e hyrjes së kryetarëve të rinj shqiptarë të Zveçanit, Zubin Potokut dhe Leposaviqit në to.
Zgjedhjet, në të cilat, u zgjodhën këta kryetarë, u bojkotuan nga shumica e qytetarëve serbë.
Njëherit, më 29 maj, trupat paqeruajtëse të KFOR-it ndërhynë në Zveçan, me ç’rast rreth 30 ushtarë u lënduan.
SHBA-ja ka kërkuar nga Kurti që Qeveria nuk duhet të insistojë që kryetarët e komunave të punojnë nga ndërtesat komunale dhe largimin e forcave të Policisë së Kosovës nga ndërtesat komunale.
Ambasadori i SHBA-së në Kosovë, Hovenier ka ritheksuar se, sipas tij, veprimet e ndërmarra nga Qeveria e Kosovës kanë krijuar situatat e fundit në veri.