Të premten e 14 tetorit, Kuvendi i Kosovës do të mbajë dy seanca.
E para do të fillojë në orën 11:00, ku në rend dite do të jetë shqyrtimi i dytë i projektligjit për Kompensimin e Viktimave të Krimit dhe zgjedhja e dy anëtarëve të Këshillit Gjyqësor të Kosovës, ndërsa tjetra do të fillojë në orën 15:00, e cila në rend dite do të ketë shqyrtimin e parë të projektligjit për mbështetjen e punëve publike.
Pikat e tjera në rend dite në seancën e parë,
Deklarimet jashtë rendit të ditës,
Pyetjet parlamentare,
Shqyrtim i Projektligjit nr.08/L-169 për ratifikimin e Marrëveshjes në mes të Republikës së Kosovës, e përfaqësuar nga Ministria e Financave, Punës dhe Transfereve dhe Bashkimit Evropian për pjesëmarrje të Kosovës në “Fiscalis” Programi i Bashkimit Evropian për bashkëpunim në fushën e tatimit,
Shqyrtimi i Projektligjit nr.08/L-170 për ratifikimin e Marrëveshjes në mes të Republikës së Kosovës, e përfaqësuar nga Ministria e Financave, Punës dhe Transfereve dhe Bashkimit Evropian për pjesëmarrje të Kosovës në “Doganat” Programi i Bashkimit Evropian për bashkëpunim në fushën e Doganave,
Shqyrtimi i Projektligjit nr.08/L-171 për ratifikimin e Marrëveshjes së Bashkëfinancimit për Projektin Parku i Inovacionit dhe Trajnimit Prizren (PIT) ndërmjet Republikës së Kosovës përfaqësuar nga Ministria e Financave, Punës dhe Transfereve dhe Republikës Federale të Gjermanisë përfaqësuar nga GIZ,
Shqyrtimi i parë i Projektligjit nr.08/L-172 për Sigurinë e Përgjithshme të Produkteve,
Shqyrtimi i Propozim-rezolutës në lidhje me mosrealizimin e projekteve kapitale të Qeverisë gjatë vitit 2022,
Shqyrtimi i Raportit vjetor të Institucionit të Avokatit të Popullit për vitin 2021.
Rendi i ditës në seancën e dytë,
Shqyrtim i parë i Projektligjit nr.08/L-179 për masat e përkohshme të produkteve themelore në raste të veçanta të destabilizimit në treg.
Shqyrtimi i parë i Projektligjit nr.08/L-183 për mbështetjen e punëve publike.