Kuvendi i Kosovës, të enjten duke filluar në ora 10:00, do të mbajë seancën e dytë për vitin 2023.

Në rend dite në mesin e shumë pikave do të jetë shqyrtimi i parë i Projektligjit për plotësimin dhe ndryshimin e ligjit për Fondet Pensionale të Kosovës dhe shqyrtimi i raportit përfundimtar të Komisionit Hetimor Parlamentar, lidhur me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike.

Pikat tjera në rend dite

  • Miratimi i procesverbalit nga seanca e mëparshme,
  • Deklarimet jashtë rendit të ditës,
  • Pyetjet parlamentare,
  • Shqyrtimi i Raportit me rekomandime për mbikëqyrjen e zbatimit të Ligjit nr. 06/L-046 për Inspektoratin e Arsimit në Republikën e Kosovës,
  • Shqyrtimi i Raportit vjetor të Komisionit Qendror të Zgjedhjeve për vitin 2021.