Kuvendi i Kosovës do të mbajë vazhdimin e seancës plenare të enjten, ku pritet të shqyrtohen disa çështje.

Në rend të ditës është përfshirë propozimi për shkarkimin e anëtarëve të Bordit të Radio Televizionit të Kosovës (RTK).

Gjithashtu, deputetët do të votojnë disa projektligje dhe do të shqyrtojnë për miratim buxhetin e Komisionit Hetimor Parlamentar, i cili po heton procesin e subvencionimit të blerjes së teksteve shkollore.

Seanca pritet të fillojë në orën 10:00.